जनकपुरधाम, वैशाख १२ गते । महामारीको रुपमा फैलिदै गएको कोरोना भाइरसको प्रभाव माता सीताको जन्मोत्सव जानकी नवमीमा समेत परेको छ ।
प्रत्येक वर्ष धूमधाम एवं हर्षोल्लासका साथ जनकपुरधाम स्थित जानकी मन्दिरमा मनाइने जानकी नवमी बिना कुनै भक्तजन श्रद्धालुको सहभागितामा कुनै विशेष कार्यक्रम नगरी सामान्य पुजापाठ गरी मनाइदै छ ।
प्रत्येक वर्ष जनकपुरधाममा मनाइँदै आएको जानकी नवमीमा अन्य वर्ष झै यसवर्ष कोरोना भाइरस संक्रमणको महामारी फैलिएका कारण सरकारले लकडाउन लगाएपछि जानकी नवमी कुनै उत्सव नगरिने मन्दिर व्यवस्थापक रामरोशन दासले जनाएको छ ।
प्रत्येक वर्ष वैशाख शुक्ल नवमीका दिन मनाइँदै आएको जानकी जन्मोत्सवका दिन जानकी मन्दिरले भव्य कार्यक्रमको आयोजना गर्दै आएको थियो । तर यसवर्ष मन्दिरभित्रै जानकी जन्मोत्सवको अवसरमा ९ दिनसम्म पूजा अराधना गरिने व्यवस्थापक दासले बताए ।
लकडाउनको पालना गर्दै जानकी नवमीको अवसरमा कुनै प्रकारको उत्सव आयोजन नगरी घरमै माता जानकीको पूजापाठ आरती गरी जानकी नवमी मनाउन व्यवस्थापक रामरोशनले सबैसँग आग्रह गरेका छन ।
जानकी मन्दिरमा घटस्थापना गरी जानकी नवमीको उत्सवको शुरुवात शुक्रवारदेखि शुरु भएको छ । जानकी जन्मोत्सव मन्दिरभित्रै वैशाख २० गतेसम्म विभिन्न कार्यक्रम गरी मनाइनेछ ।
यो विषयमा आफ्नो प्रतिक्रिया दिनुहोस् !