जनकपुरधाम, बैशाख ६ गते । जनकपुरधामको महावीर चौकमा पैसा फ्यालेर त्रास फैलाउने आरोपित महिलालाई प्रहरीले पक्राउ गरेको छ ।
शुक्रवार दिउंसो महावीर चौकको सडक र केही पसलको सटरमा १० र २० रुपैयाको नोट फालेर दुईजना महिला फरार भएको थियो । स्थानीय र सिसिटीभी फुटेजको आधारमा अनुसन्धान गर्दै ती आरोपित महिलालाई धनुषाले पक्राउ गरेको बुझिएको छ ।
जिल्ला प्रहरी कार्यालय धनुषाका अनुसारा पक्राउ पर्नेमा जनकपुरधाम उपमहानगरपालिका वडा नं. ७ निवासी मुस्लिम महिलाहरु आमुना खातुन र अलिना खातुन रहेकी छन् । उनी दुवैजना नातामा भाउजु र नन्द रहेकी छिन ।
शनिवार करीब अढाई बजे जानकी नगर स्थित मदरसाको पछाडिवाट तिनीहरुलाई पक्राउ गरिएको छ । पक्राउ परेका दुवैजनालाई जिल्ला प्रहरी कार्यालयमा राखेर सोधपुछ तथा अनुसन्धान भइरहेको प्रह्रीले जनाएको छ ।
धनुषा प्रहरीका प्रवक्ता प्रहरी नायब उपरिक्षक रामेश्वर कार्कीका अनुसार सिसिटीभी फुटेजहरु झिकाएर शंकाष्पद देखिएका र स्थानियले भनेको हुलियाको आधारमा अनुसन्धानको क्रममा महिलाहरु नियन्त्रणमा लिइएको हो ।
यो विषयमा आफ्नो प्रतिक्रिया दिनुहोस् !