जनकपुरधाम, चैत १० गते । विश्वभरि महामारीको रुपमा फैलिएको कोरोना भाइरसको त्रासबाट बच्न र रोकथामका लागि विभिन्न सचेतनामूलक सूचनाहरु विज्ञहरुको अनुसन्धानबाट प्रकाशन र प्रसारण हुँदै आएको छ ।
तर कोरोना भाइरसको संक्रमण कहाँ कुन वस्तुमा कति समय जिवित रहन्छ भन्ने बारे धेरैलाई जानकारी नरहेको अवस्था छ । संक्रमित व्यक्तिले खोक्दा वा हाछ्यूँ गर्दा निस्कने भाइरस सहितको तरल पदार्थ अर्थात एअरसोईल्डमा तीन घण्टासम्म बाँच्ने देखिएको छ ।
कहाँ कति बरेसम्म संक्रमण रहन्छ
अमेरिकाको नेशनल इन्स्टीट्यूट अफ हेल्थले गरेको अध्ययन अनुसार ती तरल पदार्थ अर्थात भाइरस हावामै रहँदा साढे फिटसम्म तीन घण्टासम्म बाँच्ने देखिएको हो ।
अनुसन्धानका अनुसार भाइरस कागजमा परेमा २४ घण्टा र प्लाष्टिक तथा स्टीलको सतहमा परेमा २/३ दिनसम्म बाँच्ने देखिएको छ । न्यू इङ्गल्यान्ड जर्नल अफ मेडिसिनमा प्रकाशित अध्ययनको निष्कर्ष अनुसार तामाको सतहमा भने यो भाइरस चार घण्टा मात्रै बाँच्न सक्ने देखिएको छ ।
कोरोना भाइरस बढी तापक्रम र आर्द्रता भएको ठाउँमा धेरै बाँच्न नसक्ने र चिसो ठाउँमा बढी समय बाँच्ने अध्ययनकर्ताहरुको भनाई छ । त्यसको अर्थ संक्रमितले प्रयोग गर्ने टिस्यू पेपर तथा संक्रमितको सम्पर्कमा रहेका कागजमा २४ घण्टासम्म भाइरस जीवित हुन्छ भने ढोकाका चुकुल र ह्यान्डल, ल्यामिनेट गरिएका टेबुल वा कम्प्युटरका किबोर्डहरूमा परेका भाइरस लामो समय जीवित रहन सक्छ ।
अनुसन्धानका अनुसार हरियो रुख, विरुवा र तरकारी फलफूलमा २ दिनसम्म भाइरस जिवित रहन्छ । कपडामा भने कति समय नयाँ कोरोनाभाइरस जीवित रहन्छ भन्ने स्पष्ट छैन । तर विज्ञहरुका अनुसार सूती कटन युक्त तरल पदार्थ छिर्न सक्ने कपडाको माध्यमबाट शरीरमा सिधै भाइरस प्रवेश गर्न सक्छ । प्लास्टिकयुक्त कपडामा त्यसमाथि भाइरसको संक्रमण केही घण्टासम्म रहने सक्ने प्रबल ह्न्छ ।
कसरी बच्ने उपायहरु
- संक्रमित व्यक्तिबाट एक मीटरदेखि दुई मीटरसम्मको दूरी कायम गर्ने ।
- कागज, प्लास्टिक तथा स्टीलको वस्तु खाली हातले नछोऔं, छुनै परेमा ह्याण्डस ग्लब्सको प्रयो गरौं ।
- सकेसम्म पोलिस्टर कपडा प्रयोग गरौं । तर त्यसलाई एकचोटी प्रयोग गरेपछि धोएर मात्र पुन प्रयोग गरौं ।
- हरियो तरकारी राम्ररी धोएर प्रयोग गरौं ।
- फुलफल गर्मपानीमा धोएर सेवन गरौं ।
- घर र किचेनका सामाग्री गर्म पानीले प्रयोग गर्नुअघि सेनिटाइज्ड गर्ने गरौं ।
- कागज वा रुपैया र अन्य वस्तुको आदान प्रदान ग्लब्स लगाएर मात्र गरौं ।
- घरको ढोका, झ्याल, चुकुल, भ¥यांग र कम्प्यूटर तथा मोबाइल सहितका अन्य वस्तुको ६२ दशमलव ७१ प्रतिशत अल्कोहल वा शून्य दशमलव ५ प्रतिशत हाइड्रोजन प्रोक्साइड वा ० दशमलव १ प्रतिशत सोडियम हाइपोक्लोराइट भएको सरसफाई गर्ने गरौं ।
- हावामै रहने थोपामा केही घण्टा तथा सतहमा अझ लामो समय बाँच्ने भएकोले मास्कको प्रयोग, साबून पानीले नियमित हात धुने गरौं ।
- अध्ययनकर्ताले संक्रमित व्यक्तिले खोंक्दा हजारौं संख्यामा संक्रमण निस्कने गरेको हुनाले अनुहारका कुनै अंग छुनु अघि साबुनपानीले राम्रोसँग हात धोएमा र व्यक्तिबीचको दूरी कम्तीमा एक मिटर कायम गर्दा सङ्मण फैलने क्रम निकै रोकिने बताएका छन् ।
यो विषयमा आफ्नो प्रतिक्रिया दिनुहोस् !