काठमाडौं, चैत १९ गते । कोरोना भाइरस विरुद्धको चीनबाट खरीद गरिएका मेडिकल सामाग्री तत्काल प्रयोगमा नल्याइने नेपाल सरकारले जनाएको छ ।
चीनबाट उत्पादित कोरोना विरुद्धको मेडिकल सामाग्री गुणस्तरहीन रहेको आलोचना भइरहेको क्रममा स्वास्थ्य तथा जनसंख्या मन्त्रालयले बुधवार एक प्रेस विज्ञप्ति जारी गरी चीनबाट खरीद गरिएका ¥यापिड किट गुणस्तरको निक्र्यौल भएपछि मात्रै प्रयोगमा जनाएको छ ।
सो विज्ञप्तिमा अनाधिकृत श्रोतबाट बजारमा वितरण तथा प्रयोग भइरहेको जनगुनासो आउने बितिकै यस्तो नगर्न आग्रह गरिएको भनिएको छ । सरकारले खरीद गरेको कीटको गुणस्तर जाँच्न नेपाल जनस्वास्थ्य अनुसन्धान परिषदलाई अनुरोध गरिसकिएको र परिषदले प्रयोग गर्न भनी सिफारिस गरेपछि र सम्बन्धित निकायबाट प्रमाणित भइसकेपछि प्रयोग वितरणमा ल्याइने मन्त्रालयले जनाएको छ ।
चीनबाट खरीद गरिएको कीट चीन सरकारले प्रमाणित गरिकसकेको कीट रहेको दाबी गर्दै मन्त्रालयले नेपालमा महामारी फैलिहाले र एकैपटक हजारौ टेस्ट गर्नुपर्ने अवस्थामा पीसीआर मेसिनले धान्न सक्ने अवस्था नरहेकोले ¥यापीड टेस्ट किट प्रयोग गरी स्क्रिनिंग गर्ने र शंकास्पद पीसीआर प्रविधिबाट जाँच गर्ने निक्र्यौल गर्ने अन्तराष्ट्रिय मान्यता अनुसार गर्न खोजिएको विज्ञप्तिमा भनिएको छ ।
सरकारले परिक्षणपछि मात्रै ¥यापिड कीट प्रयोगमा भनेपनि यसअघि नै कीट लगायतका सामाग्रीहरु प्रदेशहरुमा पठाइसकेको छ । प्रदेश नम्बर १ ले चीनबाट आयातित मेडिकल सामाग्रीको गुणस्तरमा शंका उपशंका लागेपछि कीट प्रयोग गर्न मानेको छैन ।
स्मरणीय के छ भने यसअघि चीनबाट उत्पादित किट, मास्क, पीसीआर मेसिन बारे नेदरल्याण्ड, स्पेन र चेक रिपब्लिकले गुणस्तरहीन रहेको भन्दै प्रयोगमा नल्याई फिर्ता गर्न भनिसकेका छन । पछिल्लो पटक नेपाल ल्याउन लागिएको किटलाई गुणस्तरहीन रहेको भन्दै तिब्बत सरकारले रोकेको थियो ।
दर्ता छैन मेडिकल सामाग्री विक्री गर्ने कम्पनी
सरकार स्वास्थ्य मन्त्रालयले कोरोना भाइरस संक्रमण रोकथामका लागि चीनबाट सामान ल्याउन अनुमति दिएको ओम्नी बिजनेस कर्पोरेट इन्टरनेसल (ओम्नी ग्रुप) वाणिज्य, आपूर्ति तथा उपभोक्ता संरक्षण विभागमा दर्ता नै नभएको रहस्य खुलेको छ ।
विभागका महानिर्देशका नेत्रप्रसाद सुवेदीका अनुसार कोरोना विरुद्धको मेडिकल सामाग्री विक्री गर्ने कम्पनी ओम्नी ग्रुप दर्ता नै छैन । उनले संचारकर्मीहरुको जिज्ञासामा भने ठयाक्कै यो नामको कम्पनी दर्ता छैन तर २०५३ सालमा ललितपुरको ठेगानाबाट यस्तै नाम गरेको एक कम्पनी दर्ता त छ तर त्यो पनि नवीकरण भएको छैन ।
यता ओम्नी ग्रुपले आफ्नो वेघसाइटको होमपेजमा दूर संचार वा आइटी सँग सम्बन्धित काम गर्ने भनेर “अ कम्पलीट आईटी सोलुसन प्रोभाइडर” भनी उल्लेख गरेको छ । त्यो कम्पनीले आईटीसँग सम्बन्धित काम गर्ने पाउनेछ तर मेडिकल सप्लायर्सको काम कानून विपरित गरेकोमा मन्त्रालयले नियम विपरित काम गरेको देखिन्छ ।
उत्पादन वा व्यवसाय र आपूर्तिसँग सम्बन्धित कामका लागि अन्य निकायले समेत स्वीकृति दिने भएपनि व्यापार गर्ने प्रयोजनका लागि खोलिएको कम्पनी भने वाणिज्य विभागमा दर्ता हुनैपर्छ ।
प्राइभेट फर्म रजिस्ट्रेसन (बाह्रौं संशोधन) नियमावली २०७६ को नियम २ को उपनियम ३ अनुसार ‘निकासी पैठारीसम्बन्धी प्राइभेट फर्म रजिस्ट्रेसन गराउन चाहने व्यक्तिले वाणिज्य आपूर्ति तथा उपभोक्ता संरक्षण विभागमा दर्ता भएको हुनुपर्ने’ कानुनी व्यवस्था छ ।
यसबाट के स्पष्ट हुन्छ भने सरकारले औषधिलगायत सामाग्री खरिद गर्दा कम्पनीको स्थापनाको अधिकार पत्र, प्रमाणपत्र, प्रबन्धपत्र तथा नियमावलीमा के गर्न पाउने र के गर्न नपाउने भन्ने पक्षलाई नदेखेर कानून विपरित काम गरेको छ ।
यता व्यापार व्यवसायको इजाजत नै नपाएको ओम्नी ग्रुपले कसरी चीनबाट सामान ल्याएको हो भन्ने विषयमा विभागले सोधीखोजी भइरहेको विभागले जनाएको छ ।
यो विषयमा आफ्नो प्रतिक्रिया दिनुहोस् !