जनकपुरधाम, चैत १७ गते । कोरोना भाइरसको रोकथाम एवं नियन्त्रणका लागि जारी लकडाउन अवधिमा दैनिक उपभोग्य सामाग्री किनेर गइरहेका केही व्यक्तिलाई कुटपिट शसस्त्र प्रहरी कारवाहीमा परेको छ ।
सप्तरी जिल्लाको रामनगरमा दैनिक उपभोग्य सामाग्री किनेर गइरहेका केही व्यक्तिलाई निर्ममतापूर्वक कुटपिट गर्ने सशस्त्र प्रहरी बल नेपाल बिओपी रामननगर सप्तरीमा कार्यरत सशस्त्र प्रहरी मनोज चौधरीलाई कारवाही गरिएको सशस्त्र प्रहरी बल नेपालले जनाएको छ ।
तर उनलाई के कस्ता कारवाही गरिएको कुरा भन्ने खुलाएको छैन । सशस्त्र प्रहरी श्रोतका अनुसार चौधरीलाई सांगठनिक कारवाही गरिएको हो।
घरमा चहहिने अत्यावश्यक समानहरु किनमेल गरेरघर फर्किने बेलामा बलान विहुल गाउँपालिकामा सशस्त्र प्रहरी चौधरीले सोही गाउँपालिका ३ मौवहा बस्ने हरेकृष्ण साह र चन्दन यादवलाई कुटपिट गरेको थियो।
कोरोना भाईरसलाई मध्यनजर गर्दै लकडाउनको उल्लंघन गरेको भन्दै निर्घात कुटपिट गरेको भिडियो पनि सार्वजनिक भएको थियो।
संकटको घडीमा देशको सीमा लगायत देशभरि सिमित श्रोत साधनको बावजूत सशस्त्र प्रहरीले सेवा दिदै आएकोमा विश्वभर महामारीको रुपमा फैलिरहेको कोरोना भाइरस महामारीको रोकथामका लागि पनि खटिरहेको छ ।
सशस्त्र प्रहरी बल सदैव राष्ट्र र राष्ट्रवासीको सुरक्षामा खटिरहेको अवस्थामा सप्तरीको घटनालाई समग्र संगठनको कार्यशैलीको रुपमा नलिई गलती गर्ने जो कोही पनि सशस्त्र प्रहरी कर्मचारी कारवाहीको दायरामा आउनेछ भन्ने सन्देश चौधरीको कारवाहीले देखाएको सशस्त्र प्रहरी बल नेपालले जनाएको छ ।
यसरी कुटिएको थियो :
यो विषयमा आफ्नो प्रतिक्रिया दिनुहोस् !