जनकपुरधाम, कोरोना भाइरस (कोभिड १९) को रोकथाम र सर्तकताका लागि चैत ११ गतेदेखि लागू गरिएको लकडाउन उल्लंघन गर्ने १२ जना र दर्जनौ सवारी धनुषा प्रहरीले नियन्त्रणमा लिएको छ ।
कोरोना संक्रमण रोक्न नेपाल सरकारले लागु गरेको लकडाउनको दोश्रो दिन बुधबार बिहानदेखि १० बजेसम्म १२ जनालाई पक्राउ गरेको धनुषाका प्रहरी नायव उपरीक्षक रामेश्वर कार्कीले जानकारी दिएका छन ।
त्यस्तै लकडाउनको अवज्ञा गर्ने दर्जनौ सवारीसाधन विभिन्न स्थानबाट नियन्त्रणमा समेत लिइएको उनले जनाए । यसैबीच लकडाउन उल्लंघन गर्ने व्यक्तिहरुलाई जनकपुरधामका विभिन्न स्थानमा काने उठबस गराएका छन ।
यसअघि मंगलवार लकडाउनको अवज्ञा गर्ने बस, ट्रक, कार, जीप र मोटरसाइकल गरी ३ सय ६९ सवारीसाधन नियन्त्रण नियन्त्रणमा लिएको थियो । ८ जना मानिसलाई मंगलबार पक्राउ गरी साँझ सचेत गराउंदै छाडिएको थियो ।
प्रहरीले लकडाउनको दोश्रोदिन जनकपुर लगायत शहरी क्षेत्रमा थप कडाई गरेको छ । मानिसहरु घरबाट ननिस्किउन् भनेर नेपाली सेना, नेपाल प्रहरी र सशस्त्र प्रहरी सहितको सुरक्षाकर्मी समेत परिचालन गरिएको छ ।
यो विषयमा आफ्नो प्रतिक्रिया दिनुहोस् !