जनकपुरधाम, सोमवार नेपालमा एकजनामा कोरोना भाइरस संक्रमणको पुष्टि भएपछि सरकारले देशभर लकडाउन गर्ने निर्णय गरेको छ ।
उपप्रधानमन्त्री तथा रक्षामन्त्री ईश्वर पोखरेलको संयोकत्वमा रहेको कोभिड–१९ संक्रमण रोकथाम तथा नियन्त्रण उच्चस्तरीय समन्वय समितिको सोमबार बसेको बैठकले मंगलबार बिहान ६ बजेदेखि देशभर एक साताका लाग लकडाउन गर्ने निर्णय गरेको छ ।
लक डाउनमा सबै हवाइसेवा बन्द हुनेछन् । सुरक्षाकर्मी, स्वास्थ्यकर्मी जस्ता अत्यावश्यक सेवामा खटिएका तथा अनुमति प्राप्त व्यक्ति र सवारी साधनबाहेकको आवतजावतमा रोक लगाईएको छ ।
लकडाउन अधिमा औषधी उपचार, खाद्यवस्तु खरिदजस्ता अत्यावश्यक काममा बाहेक कुनै पनि व्यक्ति घरबाट बाहिर ननिस्कने, अनुपतिप्राप्त सवारी साधन, स्वास्थ्यकर्मी, सुरक्षा निकाय बाहेक कुनैपनि सार्वजनिक वा निजी यात्रुवाहक सवारी साधन चलाउन पाइने छैन ।
सुरक्षा निकायबाट प्रयोग हुने वायुयान र तोकिएका अन्य उडानहरु बाहेक अन्य सबै आन्तरिक व्यवसायिक उडानहरु बन्द गरिने, स्वास्थ्य, सुरक्षा, खाद्यवस्तु, खानेपानी, दूध, विद्युत, दूरसञ्चार, सूचना तथा सञ्चार, भन्सार, क्वारेन्टाइन, फोहोरमैला व्यवस्थापनजस्ता अति आवश्यक सेवाबाहेक अन्य कार्यालय सञ्चालनको लागि आवश्यक पर्ने कर्मचारीहरु मात्र उपस्थित हुने गरी सम्बन्धित कार्यालय प्रमुखले विदा दिने व्यवस्था मिलाउने सरकारले निर्णय गरेको छ ।
औषधि तथा स्वास्थ्य उपकरण, खाद्यवस्तु, खानेपानी, दूध, इन्धन उत्पादन गर्ने उद्योगहरु बाहेक निजी क्षेत्रबाट सञ्चालित अन्य उद्योग, कलकारखानाहरुमा काम गर्ने श्रमिक, कर्मचारीहरुलाई सम्बन्धित उद्योगले विदा दिने, व्यवसायीहरुले औषधि र औषधिजन्य सामाग्रीहरुको नियमित आपूर्तिको व्यवस्था गर्ने ।
आभाव देखाई मुल्य बृद्धि गर्ने वा कालोबजारी,जम्माखोरी गर्ने वा लुकाउने वा आपूर्तिमा अवरोध गर्ने व्यक्तिलाई प्रचलित कानून बमोजिम नियन्त्रणमा लिने, सामाग्री जफत गरी रोगको रोकथाम र उपचारको कार्यमा उपयोग गर्ने निर्णय गरिएको छ ।
के हो ‘लक डाउन’
‘लक डाउन’ भनेको विशेष परिस्थितिमा निश्चित अवधिका लागि गरिएको आंशिक कफ्र्यु हो ।
लकडाउन एक प्रकारको आपत्कालीन व्यवस्था हो पनि जसमा निजी प्रतिष्ठान, निजी कार्यालय एवं सार्वजनिक यातायात पूर्ण रूपमा बन्द गरिन्छ । लकडाउन अवधिमा विशेष कारण विना मानिस घरबाहिर निस्किन र हिँडडुल गर्न पाउँदैनन् । हालसम्म लकडाउन दुई चरणको देखिएको छ ।
पहिलो चरणको ‘लक डाउन’ मा सिमानाका सिल गर्ने, आपतकालीन अवस्थाबाहेक नियमित सार्वजनिक यातयातको सेवा स्थगित गर्ने, होटल, रेष्टुरेन्ट, बार तथा डिपार्टमेन्टल स्टोर र सपिङ मलहरु बन्द गर्ने, अति आवश्यक सेवाबाहेक सार्वजनिक अड्डा र सेवा निश्चित समयका लागि स्थगित गर्ने लगायतका रहेका छन ।
यसका साथै अति आवश्यक सेवाबाहेक मानिसको बढी चहलपहल हुने निजी कार्यलय र उद्योग कलकारखना पनि बन्द गरिन्छ, सरकारी अड्डाका जरुरी तथा आपतकालीन काम अनलाइनबाट गर्ने, नागरिकलाई घरमै सावधानी अपनाएर सुरक्षित बस्ने रहेको छ । लकडाउन अवधिमा नेपाली सेनाल गायतका सुरक्षा निकायहरु परिचालन गरिन्छ ।
पहिलो चरणको ‘लक डाउन’ पछि पनि अवस्था सामान्य नभए दोस्रो चरणमा ‘लक डाउन’ घोषणा गरिन्छ जुन कडा हुन्छ र यसमा आदेशको अव्हेलना वा अवरोध गरेको पाइएमा कानून बमोजिम कारवाही समेत गरिन्छ ।
यो विषयमा आफ्नो प्रतिक्रिया दिनुहोस् !