जनकपुरधाम, आगामी चैत ६ गतेदेखि सञ्चालन हुने माध्यमिक शिक्षा परीक्षा (एसइइ) को तयारी धनुषामा अन्तिम चरणमा पुगेको बताइएको छ ।
जिल्लामा यसवर्ष सामुदायिक र संस्थागत बिद्यालयबाट गरि कुल ११ हजार ५ सय ९० जना परीक्षार्थी एसइइ परीक्षामा सहभागी हुने शिक्षा विकास तथा समन्वय ईकाइ धनुषाका प्रमुख बरखु प्रसाद रजकले जनाएको छ ।
तीमध्ये नियमित तर्फ १० हजार ७ सय ६०,एक्जाम्टेड तर्फ ६ सय र प्राविधिक तर्फका २ सय २० जना गरी कुल ११ हजार ५ सय ९० जना परीक्षार्थी परीक्षामा सहभागी हुनेछ । रजकले एसइइ परीक्षाका लागि जिल्लाभरीमा ४३ वटा परीक्षा केन्द्र निर्धारण गरिएको छ ती मध्ये ४१ वटा परीक्षा केन्द्रमा नियमित र २ वटा केन्द्रमा एक्जाम्प्टेड तर्फका विद्यार्थी सहभागी रहने उनले जनाएको छ ।
शनिवार समेत परीक्षा संचालन हुने गरी बिहान ८ बजेदेखी ११ बजेसम्म परीक्षा हुनेछ छ । शिक्षा विकास तथा समन्वय ईकाइ धनुषाका प्रमुख बरखु प्रसाद रजकले सोमबार सम्ममा परीक्षाको सबै तयारी पुरा भईसक्ने बताए ।
परीक्षाका लागि जिल्लाभरिमा ४३ जना केन्द्राध्यक्ष, ५५ जना सहायक केन्द्राध्यक्ष, ५ सय ४४ जना निरीक्षक,४ सय २० जना सुरक्षाकर्मी र १ सय ९६ जना सहयोगी कर्मचारी गरी जम्मा १ हजार २ सय ६८ जना जनशक्ति परिचालन हुने बताइएको छ ।
यो विषयमा आफ्नो प्रतिक्रिया दिनुहोस् !