जनकपुरधाम, होलि पर्वका दिन अत्यधिक मदिरा सेवनले गर्दा धनुषामा ६ जनाको मृत्यु भएको छ ।
मदिरा सेवनले क्षिरेश्वरनाथ नगरपालिका २ रमदैयाका ५ जना र औरही गाउँपालिका २ परवाहा टोलका एक जना गरी ६ जनाको मृत्यु भएको प्रहरीले जनाएको छ ।
मृत्यु हुनेमा रमदैयाका अन्दाजी ३२ वर्षिय राजु महरा, वर्ष ३० का रामनारायण महरा, वर्ष ३६ का गुदरी महरा, वर्ष ४२ का बिलास मण्डल, वर्ष ३५ ब्रम्हदेव यादव र परवाहाका वर्ष ३५ का गिरिजानन्द झा रहेका छन ।
मदिरा सेवन गरेका रमदैयाका ३ जनाको बिहीबार दिउँसो र २ जनाको राति मृत्यु भएको इलाका प्रहरी कार्यालय सखुवा महेन्द्रनगरका प्रहरी निरीक्षक पप्पु नायकले जानकारी दिएका छन ।
उपचारको क्रममा प्रादेशिक अस्पताल जनकपुरमा परवाहाका गिरिजानन्द झाको मदिरा सेवन वा अन्य कारणले मृत्यु भएको भन्ने कुराको अनुसन्धान भइरहेको जिल्ला प्रहरी कार्यालय धनुषाले जनाएको छ ।
यो विषयमा आफ्नो प्रतिक्रिया दिनुहोस् !