लोक समाचारदाता
जनकपुरधाम, फागुन २३ गते ।
जनकपुरधामको पिराडी चौकमा स्थानीय युवाहरुले घुमुवा प्रहरीले महिलालाई दुव्र्यवहार गरेको भन्दै सडक अवरुद्ध गरी चक्काजाम गरेका छन ।
घुमुवा प्रहरीले घरमा प्रवेश गरी महिलालाई दुव्र्यवहार गरेको भन्दै ती युवाहरुले टायर बालेर चक्काजाम गरी प्रहरी प्रसाशन विरुद्ध नाराबाजी गर्दै प्रदर्शन गरेका हुन ।
जनकपुरधाम उपमहानगरपालिका ९ की नेमकुमारी पासवानलाई घुमुवा प्रहरी गाडी किन्न आएको भन्दै घरमा प्रवेश गरी दुव्र्यवहार गरेको उनीहरुको आरोप रहेको छ । दुव्र्यवहार गर्ने घुमुवा प्रहरी जितेन्द्र यादव रहेको र उनीमाथि कारबाहीको माग गर्दै युवाहरुले करिब आधा घण्टा चक्का जाम गरेका छन ।
घटनास्थलमा पुगेका प्रहरीले दुव्र्यवहार गरेको छ भने कारबाही हुने आश्वासन दिँदै छलफलका लागि बोलाएपछि सडक अवरुद्ध खोलिएको थियो । स्थानीय जितेन्द्र पासवानले आफ्नो घर पुगेर घुमुवा प्रहरीले आमालाई दुव्र्यवहार गरेको दावी गरेका छन ।
उनले भने, हामीले घटना विषयमा एसपीसाबलाई भनेपछि आफूलाई थाहा नै नभएको जवाफ दिएपछि प्रदेशका डिआइजी सँग सम्पर्क गर्दा उनले पनि व्यस्त रहेको भन्दै कुरा गर्न चाहनु भएन । त्यसपछि बाध्य भएर हामी सडक अवरुद्ध गरेका हौं ।
घुमुवा प्रहरीले नियन्त्रणमा लिएको भारतीय गाडीको भन्सार तिरेको छैन भने जरिवाना लिन सक्छन् तर दुर्व्यवहार किन गर्नु परयो भन्दै उनले प्रश्न गरेका छन ।
यता, जिल्ला प्रहरी कार्यालय धनुषाका प्रहरी निरीक्षक अवधेश यादवले भन्सार नतिरेर राखेको भारतीय गाडी (नम्बर नखुलेको) प्रदेश प्रहरी कार्यालयको सादा पोशाकको टोलीले नियन्त्रणमा लिएको बताए । उनले नियन्त्रणमा लिएर उक्त गाडी आवश्यक कारबाहीका लागि भन्सार कार्यालयमा बुझाइसकेको जानकारी पनि दिएका छन ।
उनले गाडी नियन्त्रणमा लिएपछि महिलालाई दुर्व्यवहार भएको भन्ने गलत आरोप लगाएको दावी गरेका छन । उनले प्रहरीले अवरुद्ध सडक खुलाएको भन्दै उनीहरूसँग छलफल नगर्ने समेत बताए । @ थाहा खबर
यो विषयमा आफ्नो प्रतिक्रिया दिनुहोस् !