लोक समाचारदाता
जनकपुरधाम, फागुन १८ गते ।
संस्कृति पर्यटन तथा नागरिक उडडनमन्त्री योगेश भटटराईले मिथिला मध्यमा परिक्रमा अन्तर्गत पर्ने पडाव कंचनवनको पर्यटकीय विकासका लागि बजेट छुटयाउने प्रतिबद्धता जनाएका छन ।
बताउनु भएको छ ।
आइतवार महोत्तरी जिल्लाको भंगहा नगरपालिकाको कंचनवनमा १५ दिने मिथिला मध्यमा परिक्रमामा सहभागी यात्रीहरुलाई स्वागत गर्न पुगेका मन्त्री भट्टराईले कंचनवनलाई पर्यटकीय क्षेत्रको रुपमा विकास गर्न नगरपालिकाका प्रमुखलाई योजना लिएर आउन निर्देशन दिदैं बजेट निकासा गर्ने प्रतिबद्धता जनाए ।
उनले देशको आर्थिक विकास र समृद्धिका लागि पर्यटीयक विकासमा जोड दिनुपर्ने भन्दै पर्यटकीय विकासको माध्यमबाट आर्थिक सम्पन्ताका साथसाथै देशको गरिबी हटाउनु पर्नेमा जोड दिए ।
मन्त्री भट्टराईले नेपालका नागरिकहरु अहिले पनि गरिबीको रेखामुनि बाँचिरहेका छन पर्यटन विकासमा जोड दिएर स्थानीय स्तरमा गरिबी समाधान गर्नुपर्छ ।
मन्त्री भट्टराईले भने ‘पन्ध्र दिने मिथिला मध्यमा परिक्रमा नेपाल र भारत दुवै देशका लाग विशाल परिक्रमा हो । यसलाई व्यवस्थित गर्न प्रदेश सरकार र संघ सरकार मिलेर काम गर्नुपर्छ ।
प्रदेश २ लाई धार्मिक, संस्कृतिक पर्यटन क्षेत्र बनाउने सोँच रहेको भन्दै प्रदेशको विभिन्न जिल्लामा धार्मिक, संस्कृतिक महत्व बोकेको क्षेत्रलाई जोडेर वृहत सांस्कृति क्षेत्र बनाउन नेपाल सरकारको सम्पूर्ण ध्यान जाने बताए ।
कार्यक्रममा उपस्थित प्रदेशका उद्योग, पर्यटन, वन तथा वातावरण मन्त्री रामनरेश रायले मिथिला मध्यमा परिक्रमाको ऐतिहासिकतालाई दृष्टिगत गर्दै संघ सरकारले यसको विकासका लागि विशेष प्याकेजमा बजेट छुटयाउन मांग गरे ।
उनले कंचनवन मात्रै होइन मिथिला मध्यमा परिक्रमा अन्तर्गत नेपालमा पर्ने १३ पडाव स्थलको पर्यटकीय विकास गर्नुपर्नेमा जोड दिए ।
मिथिला मध्यमा परिक्रमाको ७ औं पडावस्थल कंचनवन पुगेको थियो । मन्त्री भट्टराई र राय लगायतका उपस्थित उच्च व्यक्तिहरुले कंचनवन स्थित मन्दिरमा होली समेत खेलेका छन ।
मध्यमा परिक्रमामा श्रद्धालुले नेपालका १३ र भारतका २ पडाव गरी १५ दिनमा १५ पडाव स्थलको १ सय ३३ किलोमीटरको यात्रा गर्ने गर्छन । फागुन पुर्णिमाका दिन जनकपुरधाम पुगेर पंचकोशी अर्थात जनकपुरधामको परिक्रमा गरी समापन हुनेछ ।
यो विषयमा आफ्नो प्रतिक्रिया दिनुहोस् !