लोक समाचारदाता
जनकपुरधाम, माघ २७ गते ।
प्रदेश २ का तीन जना प्रदेश सभा सदस्यले उपभोक्ता समितिको बक्यौता रकम भुक्तानीको मांग गर्दै राजीनामा बुझाएका छन ।
सोमवार दिउंसो राजपाका प्रदेश सभा सदस्य बिक्की यादव, नेत्रविक्रम शाह र डा. रिना यादवले उपभोक्ता समितिको पछिल्लो आर्थिक वर्षको बक्यौता रकमको मांग गर्दै सभामुख सरोजकुमार यादवलाई राजीनामा पत्र बुझाएको हो ।
आइतवार प्रदेशको नामाकरणबारे छलफल गर्ने समितिको बैठक बोलाइएको बेला राजपाका सांसदको राजीनामा पत्र बुझाएको थियो । सभामुख यादवले राजीनामा पत्र बुझेपनि तिनीहरुलाई सम्झाई बुझाई फिर्ता पठाएका छन ।
लोकपुकारसँग कुरा गर्दै सभामुख यादवले भने पार्टीका तीनजना प्रदेश सभा सदस्यले राजनीनामा पत्र बुझाएको थियो । तर तिनीहरुलाई आफूले सम्झाइबुझाई राजीनामा फिर्ता पठाएका हौं ।
गत आर्थिक वर्षमा प्रदेश सरकारबाट सञ्चालित योजनाको भुक्तानी हालसम्म नभएको विषयमा प्रदेशमा विवाद कायम रहेको कारण उनीहरुले यथाशिघ्र भुक्तानी गर्न माँग अघि सारेका हुन । भुक्तानीको विषयमा दबाब सिर्जना गर्न आफूहरूले सभामुखलाई भेटेर सभामुखलाई राजीनामा पत्र बुझाएको सदस्य विक्कीले स्वीकार गरे ।
उनले हामीले संघर्षको क्रममा अल्टिमेटम स्वरुप राजीनामा पत्र बुझाएका थियौं तर हामीलाई ४–५ दिनको सयम दिइएको छ सो समयावधिमा माँग पुरा नभए मुख्यमन्त्री कार्यालयमा तालाबन्दी गर्नेछौ भने । भुक्तानीको विषयलाई लिएर प्रदेशसभा बैठक हालसम्म अवरुद्ध रहेको छ ।
यो विषयमा आफ्नो प्रतिक्रिया दिनुहोस् !