लोक समाचारदाता
राजविराज, माघ २२ गते ।
राष्ट्रिय जनता पार्टी (राजपा) अध्यक्ष मण्डलका संयोजक महेन्द्रराय यादवको अभिव्यक्तिले उनी शंकाको घेरामा परेका छन् ।
समाजवादी पार्टीका अध्यक्ष उपेन्द्र यादव र राष्ट्रिय जनता पार्टी (राजपा) अध्यक्ष मण्डलका संयोजक यादवको भाषणको आशय एउटै भएपछि राजपा अध्यक्ष मण्डलका सदस्यहरु सशंकित भएका छन ।
संयोजक यादव पार्टी एकता चाडै हुने बताउँछन् । तर घट्नाक्रमहरू केलाउँदा भने दुई पार्टीबीचको एकता नजिक पुगेको देखिँदैन । बाहिर हल्ला भएजस्तो पार्टी एकताका विषयमा कुनै ठोस प्रगति नभएको राजपा अध्यक्ष मण्डलका सदस्य अनिलकुमार झा बताउँछन् ।
उनी भन्छन, ‘अध्यक्ष मण्डल तहमा वार्ताबारे कुनै छलफल भएको छैन ।’ राष्ट्रिय सभा सदस्य निर्वाचन र उपचुनावको निर्वाचनले पनि दुई दललाई झन टाढा र्पुयाएको झाको भनाइ छ ।
राजपाको नेकपासँग सहकार्यको सम्भावना नरहेको अभिव्यक्तिले पनि अध्यक्षमण्डलका अन्य सदस्यहरू सशंकित देखिएका छन । ६ सदस्यीय राजपाको अध्यक्षमण्डलमा दुई–दुई महिनाको चक्रीय प्रणालीअनुसार संयोजक बन्ने प्रावधान छ। त्यसैअनुसार संयोजक बनेका यादवको अभिव्यक्तिले राजपा नेताहरूलाई पनि अलमलमा पारेको छ ।
अध्यक्षमण्डलका सदस्य शरत्सिंह भण्डारीले संयोजक यादवले सार्वजनिक रूपमा दिएइ रहेको अभिव्यक्ति प्रति आश्चर्य प्रकट गरे ।
संयोजक गोटीको रुपमा प्रयोग
समाजवादी पार्टीका अध्यक्ष उपेन्द्र यादवको डिजाईनमा राजपाका संयोजक महेन्द्रराय यादवले काम गरिरहेको छ । सुरु देखिनै महेन्द्रले उपेन्द्रको योजना अनुसार काम गर्दैआएको देखिन्छ ।
२०७४ सालको पहिलो र दोस्रो चरणको स्थानिय निर्वाचनमा राष्ट्रिय जनाता पार्टीले भाग लिएन तर महेन्द्रराय यादवले दवाव दिएपछि तेस्रो चरणको चुनावमा भाग लिन बाध्य भयो ।
स्रोतका अनुसार संघीय तथा प्रदेशको चुनावमा पनि उपेन्द्रलाई नै सहयोग गरेको थियो ।
राजपालाई कमजोर गर्ने उद्देश्यले पार्टी भित्र छिरेका यादवले राजपाको जहा सिट सुरक्षित हुन सक्ने अवस्था थियो त्यो ठाउँमा तत्कालिन मधेशी जनअधिकार फोरम नेपाललाई टिकट दिलान सहयोग गरियो ।
यसैगरी, स्थानीय तहको उपनिर्वाचनमा राजपाको गढ मानिएको स्थानमा समाजवादीवाट उम्मेदवार वनाएको र ब्यक्तिको छनौट समेत महेन्द्रले नै गरेको विषय सार्वजनिक भएकै विषय हो ।
उप्रेन्द्र यादवलाई सरकारमा सहभागि गराउन समेत उनले सहयोग गरेको तथ्य वाहिर आएको छ । उपेन्द्र सरकारमा सहभागि भएको वेला अध्यक्ष मण्डलाई जाकारी विना नै पार्टी एकिकरणको लागि पत्र पठाएको थियो ।
राष्ट्रिय सभाको चुनावमा नेकपा–राजपावाट २/२ जनाको उम्मेदवार वनाउने विषयमा महेन्द्रले कुनै विरोध गरेनन् । तर, उम्मेदवार छनौटमा आफनो मान्छे नपरेपछि ‘अपवित्र’ गठवन्धन भन्दै नकारात्मक टिप्पणी गर्दै हिडेको विषयमा समेत उनी आलोचित छन् ।
यसैगरी, निर्वाचनमा मत क्रसिङ्गको लागि प्रदेश सभासदस्य तथा बन तथा पर्यटन मन्त्री रामनरेष रायका निवासमा बैठक भएको थियो। जसमा नेकपा नेता मातृका यादवको समेत उपस्तिी थियो । समाजवादी पार्टीका नेताहरूले भनेझैँ प्रदेश २ को सरकार गठबन्धनमा कुनै परिवर्तन नहुने दाबी राजपा संयोजक यादवले पनि गरेका छन ।
यद्यपि, राजपा अध्यक्षमण्डलका नेता ठाकुरले प्रदेश २ को सरकार ठीकसँग नचलेको र त्यसबारे पार्टी्भित्र गम्भीर रूपमा कुरा उठेको बताए। ठाकुरले राजपा नेपाल जेनतेन गठबन्धनको धर्म निर्वाह गरिरहेको भन्दै समाजवादी पार्टीप्रति तीव्र असन्तुष्टिसमेत जनाएका थिए ।
राजपा हाल नेकपासँग केन्द्रमा सहमति भएपछि मात्रै प्रदेश सरकारको गठबन्धनको कुरा गर्ने रणनीतिमा छ । नेकपासँग केन्द्रमा सहमति नभए पनि राजपा आफ्ना मन्त्रीहरूलाई फिर्ता बोलाएर प्रदेश सरकारको पुनर्गठन गर्ने पक्षमा देखिएको छ ।
यो विषयमा आफ्नो प्रतिक्रिया दिनुहोस् !