लोक समाचारदाता
जनकपुरधाम, माघ २१ गते ।
प्रदेश २ का मुख्यमन्त्री लालबाबु राउतले अख्तियारी पकेटमा राखेर नहिंडन मन्त्रिहरुलाई निर्देशन दिएको छ ।
मंगलवार प्रदेश सभाको दोश्रो वार्षिकोत्सव समारोहलाई सम्बोधन गर्दै मुख्यमन्त्री राउतले मन्त्रीहरुज्यूले लिखित अख्तियारी नभई मौखिक अख्तियारीको भरमा काम गराई रहेका छन, जुन प्रदेशका लागि दुर्भाग्य यसबाट कसैको भलो हुदैन त्यसैले अख्तियारी पकेटमा लिएर नहिंडौ कार्यान्वयन गरौ भने ।
उनले उपभोक्ता समितिले पछिल्लो आर्थिक वर्षको बक्यौता रहेको रकमको मांग गर्दै गरिरहेको आन्दोलनको चर्चा गर्दै भने यो समस्या मन्त्री र माननीयहरुकै कमी कमजोरीको कारण श्रृजित समस्या हो, उहाँहरुले यदि समयमै टेण्डर गरिदिएको भए यस्तो समस्या आउने थिएन ।
मुख्मयन्त्री राउतले मन्त्रीहरुलाई यो समस्या अघिका दिनपनि आउन सक्छ, त्यसैले किन्तु, इन्तु परन्तु नगरी विकास निर्माणका जति पनि योजना छ त्यसको समयमै टेण्डर गरी आ आफ्ना जिम्मेवारी वहन गर्नुस निर्देशन दिदैं भने, यसमैमा सबैको भलो छ नत्र आउने दिनमा सरकारमाथि जनताको विश्वास गुम्नेछ ।
उनले मन्त्रीहरुज्यूले आ आफ्ना अख्तियार तुरन्त पठाउन निर्देशन दिदैं भने हामीमाथि संघीय सरकारको गिद्धे नजर छ, हामीले गलती गरयौ भने औंला ठडयाउंला त्यसैले गलती नगरी इमान्दारितापुर्वक आ आफ्ना जिम्मेवारी वहन गरौं भने ।
साथै मुख्यमन्त्री राउतले प्रदेश सरकारमा प्रतिपक्षीहरुले गर्दै आएको सहयोग बारे धन्यवाद दिदैं भने प्रतिपक्षी दलको भूमिका निकै सकारात्मक छ, तर हामीमै केही कमी कमजोरी भएको कारण हामीलाई कलंकित हुने अवस्था उत्पन्न भएको छ, यसबाट सबै मन्त्रीले सचेत भई आगामी दिनका कार्ययोजना बनाएर अघि बढनुपर्नेछ ।
प्रदेश सभा वार्षिकोत्सवको विरोधस्वरुप बक्यौता रहेका रकम भुक्तानीका उपभोक्ता समितिहरुले प्रदेश सभा भवन अगाडि धर्नामा बसेका थिए । गएको आर्थिक वर्षको ४२ वटा योजनाको करीब ८३ करोड रुपैया भुक्तानी गर्न बांकी रहेको छ ।
समारोहमा भौतिक पुर्वाधार विकास मन्त्री जितेन्द्र सोनलले हामी संघीय सरकारसँग सहकार्य गरेर अघि बढन चाहि रहेका छौं तर सबै अधिकार आफ्नै जिम्मा राखेर थिच्चो मिच्चो गरेर प्रदेशलाई असफल बनाउन प्रयास गरिरहेको आरोप लगाए ।
सो समारोहमा कांग्रेसका संसदीय दलका नेता रामसरोज यादव, नेकपाका उपनेता रामकुमार यादव लगायतका व्यक्तिहरुले आ आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !