लोक समाचारदाता
जनकपुरधाम, पुस १९ गते ।
नगरको बजार क्षेत्रभित्र बिहानदेखि ठूला सवारी साधन प्रवेश निषेध गरिएको छ । तर ट्राफिकले सो नियम पालना नगरी गर्दै आएको लापरवाहीले दिनभरि जनकपुरधाम बजार क्षेत्रमा टिपर र ट्याक्टरको आतंक फैलिएको हुन्छ ।
ट्राफिक प्रहरीले गरेको लापरवाहीको फाइदा उठाउंदै टिपर र ट्याक्टर चालक मनपर्दी गर्दै नगरभित्र तिव्रगतिमा गुडाउने गरेको कारण नगरभित्र त्रासको माहौल व्याप्त हुन्छ । त्यसको प्रतिफल दिनप्रति दुर्घटना बढदै गएको छ ।
यसैक्रममा शनिवार टिपरको ठक्करबाट जनकपुरधाम बजार क्षेत्रमै एक महिलाको ज्यान गएको छ ।
जनकपुरधाम उपमहानगरपालिका ७ स्थित पगलाबाबा धर्मशाला नजिक ना ४ ख ४५०९ नम्बरको टिपरले ठक्कर दिंदा उपमहानगरपालिकाको वडा नं. ६ निवासी सोहन ठाकुरको श्रीमति ४५ वर्षिया सुधा देवी ठाकुरको मृत्यु भएको धनुषा प्रहरीले जनाएको छ ।
जिल्ला प्रहरी कार्यालय धनुषाले जनाए अनुसार मन्दिरबाट पुजा गर घर फर्किरहेको अवस्था सुधालाई टिपरले ठक्कर हानेको थियो । घटनामा घाइते भएकी सुधाको उपचारको क्रममा जानकी हेल्थ केयरमा मृत्यु भएको हो । घटना पश्चात टिपर र चालक दुवैलाई नियन्त्रणमा लिइ सकिएको जिप्रका धनुषाले जनाएको छ ।
घटना पश्चात स्थानीयवासी ट्राफिक प्रहरीले आफ्नो डियूटीमा गर्दै आएको लापरवाहीको कारण दुर्घटना बढदै भनी निकै आक्रोशित भएको छ । स्थानीयले बिहान ७ बजेदेखि नगरभित्र ठूला सवारी साधन प्रवेश निषेध गरिएपनि पैसा लिएर ट्राफिक प्रहरी जथाभावी आवात जावत गर्न दिइरहेको कारण दुर्घटना बढेर गएको हो ।
यो विषयमा आफ्नो प्रतिक्रिया दिनुहोस् !