लोक समाचारदाता
जनकपुरधाम, पुस १५ गते ।
गत आर्थिक वर्षको उपभोक्ता समितिको बक्यौता रकमको विवादमा प्रदेश २ का प्रदेश सभा सदस्यले कुट्न लाग्दा झण्डैले राज्यमन्त्री योगेन्द्र राय जोगिएका छन् ।
घटना यस्तो थियो मंगलवार दिउंसो प्रदेश सभाको बैठक पश्चात आ आफ्ना बक्यौता रकम भुक्तानीको मांग गर्दै प्रदेश सभा अगाडि प्रदर्शनमा उत्रेको बेला उपभोक्ता समितिको पक्षमा बोल्दै कांग्रेसका प्रदेश सभा सदस्य प्रमिला दासले प्रदेश सरकारको विरोध तथानाम विरोध गरे ।
सो विरोधकै क्रममा प्रदेश सभाको बैठकबाट भूमिव्यवस्था, कृषि तथा सहकारी राज्यमन्त्री राय नस्किदैं गर्दा उनीसँग विवाद परयो । विवाद भइरहेको क्रममा प्रदेश सभा सदस्य दासले मन्त्रीमाथि जाइलाग्दै हात हाल्नै लाग्दा झण्डै सुरक्षार्थ खटिएका सुरक्षाकर्मीहरुले उनको हात रोकेर मन्त्री यादवलाई जोगाए ।
गत आ.ब. को करीब ९७ करोड रुपैया विकास निर्माणको काम गरेका उपभोक्ता समितिको बक्यौता रहेको छ । बक्यौता रकमको मांग बारे छानबीन समिति समेत गठन भएको थियो । सो समितिले प्रतिवेदन बुझाइ सकेपनि हालसम्म तिनीहरुको भुक्तानी हुन सकेको छैन ।
बाध्य भएर उपभोक्ता समितिका पदाधिकारीहरु प्रदेश सरकार विरुद्ध राजनीमाको मांग गर्दै प्रदेश सभा भवन अगाडि प्रदर्शनमा उत्रेका थिए । सोमवार बसेको प्रदेश सभाको बैठक पनि उपभोक्ता समितिकै बक्यौता रकमको माग गर्दै प्रतिपक्षी दल नेकपा र कांग्रेसले अवरुद्ध गरेको थियो ।
मंगलवारका लागि बोलाइएको बैठकमा सरकारको तर्फबाट मुख्यमन्त्री लालबाबु राउतले जवाफ दिने कार्यक्रम तय थियो । तर मुख्यमन्त्री प्रदेशमा अनुपस्थित भएपछि बैठक कुनै विषयमा प्रवेशै नगरी ५ मिनेटमै स्थगित हुन गयो, आगामी बैठक बिहीवार १ बजेका लागि तय गरिएको छ ।
उक्त आन्दोलनप्रति प्रतिपक्षी दल सहित प्रदेशका उद्योग, वन, वातावरण तथा पर्यटनमन्त्री रामनरेश यादव र राजपा सांसद उपेन्द्र महतोले समर्थन जनाइ सकेका छन ।
यो विषयमा आफ्नो प्रतिक्रिया दिनुहोस् !