लोक समाचारदाता
जनकपुरधाम, मंसिर २८ गते ।
बढदै गएको अपराधिक गतिविधिले प्रदेश शोकमग्न र आंतकित रहेको अवस्थामा प्रदेश २ सरकार गम्भीर नभई सस्तो लोकप्रियता कमाउन व्यवस्त देखिएका छन् ।
शुक्रवार अबेर राति धनुषाको क्षिरेश्वरनाथ नगरपालिका ५ महेन्द्रनगर र सिरहाको पतारी गाउँपालिका कार्यालयमा गरी दुई ठाउँमा बम विस्फोट प्रदेशको सुरक्षा अवस्था कमजोर अवस्था आतंकित बन्न गएको छ ।
महेन्द्रनगरमा भएको विस्फोट घटनामा परी प्रहरी निरिक्षक सहित ३ जनाको मृत्युले जिल्लाकै अवस्था शोकमग्न र आतंकित बन्न पुगेपनि प्रदेश सरकार गम्भीर नभई सस्तो लोकप्रियताका लागि कार्यकर्तालाई वितरण गरेको योजनाको शिलान्यासमा महोत्तरी पुगेका छन् ।
प्रदेशका मुख्यमन्त्री पोखरीहरुको जिर्णोद्धार शिलान्यास भएको कारण प्रदेशको सुरक्षा अवस्था समय दिन भ्याएको छैन । घटना स्थलको अनुगमन वा मृतक परिवारलाई साहनुभुति दिनुको कुरै छाडौं यो आलेख लेख्दासम्म सम्वेदना समेत प्रकट गर्न सकेका छैनन । प्रदेशको जनता र उनको सुरक्षाप्रति सरकार निकृष्ट रहेको यस्ता प्रवृतिले प्रष्ट हुन्छ ।
धनुषाका बुद्धिजीवीहरुले जनताको ज्यान र सुरक्षाभन्दा प्यारो प्रदेशका मुख्यमन्त्री र मन्त्रीहरुलाई कार्यकर्ताको वाहवाही प्यारो छ । जनताको दुखमा सहानुभुति दिन फुर्सत छैन तर कार्यकर्ताहरुलाई बांडेको योजनाहरुमा सहभागी वाहवाही बटोर व्यस्त रहेको भने ।
मुख्यमन्त्री लालबाबु राउतलाई आफ्नो गृह जिल्ला नै भोटका लागि प्यारो रहेको आरोप समेत बुद्धिजीवीहरुको रहेको छ । धनुषामा विस्फोटले ३/३ जनाको ज्यान गएपनि प्रदेश सरकारले घटना बारे जानकारीसम्म लिएका छैनन तर पछिल्लो पटक विरगंजमा युवतीमाथि भएको तेजाब घटनामा मुख्यमन्त्री आफै घटनास्थलमा पुगी पांच लाख रुपैयाको घोषणा गरेको थियो ।
आगामी निर्वाचनको तयारी स्वरुप मुख्यमन्त्री राउत पर्सा जिल्लामा समान्य घटना भएपनि पुग्छन र सस्तो लोकप्रियता कमाउन साइकल वितरणदेखि दर दोकान तथा संघ संगठनको उद्घाटन, सभा सम्मेलन र कार्यकर्तामुखि कार्यक्रममा पुग्ने गर्छन । तर जनताको पीडामा सहानुभुति दिन र सुरक्षा अवस्था सुदृढ पार्ने योजनाका लागि मुख्यमन्त्री त के प्रदेशका अन्य मन्त्रीहरुलाई पनि समय छैन ।
सधै संघीय सरकारलाई गाली गर्ने प्रदेश सरकारका मुख्यमन्त्री र मन्त्रीहरु पछिल्लो पटक एक महिनासम्म उपनिर्वाचन र अधिवेशनमा व्यस्त रहेका थिए । अब आएर उहाँहरु काम नपाएर पार्टी प्रवेश र जातिय संगठनको कार्यक्रम सहित कार्यकर्तालाई बांडेको योजनाको शिलान्यास र उद्घाटनमा व्यस्त भएको छ ।
प्रहरी पनि लापरवाह
प्रदेशको सुरक्षाप्रति सरकार मात्रै होइन सुरक्षा संयन्त्र समेत लापरवाह देखिएको छ । आफ्नै संगठनका प्रहरी निरिक्षकको बम विस्फोटमा परी मृत्यु भएपनि विदामा रहेका प्रहरी उपरिक्षक र डिआई घटनास्थल पुग्न भ्याएका छैनन ।
प्रदेशका डिआई प्रद्युमन्न कार्की शनिवार विदा मनाउन काठमाडौ रहेका छन भने प्रहरी उपरिक्षक शेखर खनाल उपचारको क्रममा जिल्ला बाहिर रहेका छन् । पछिल्लो पटक घटनाहरुमा केन्द्रिय प्रहरी विभागबाट समेत प्रहरी खटाइने गथ्र्यो तर प्रहरी निरिक्षकको ज्यान गएपनि कुनै चासो देखाइएको छैन ।
हाल धनुषा जिल्लाको कमाण्ड प्रहरी नायब उपरिक्षक रामेश्वर कार्कीले सम्हाली रहेका छन् । घटना अनुसन्धानका लागि सुरक्षा संयन्त्र खटाउने प्रदेशका मुखिया नै विदामा भएको प्रदेश प्रहरीको भूमिका नदेखिएको बुझिएको छ ।
यो विषयमा आफ्नो प्रतिक्रिया दिनुहोस् !