लोक समाचारदाता
जनकपुरधाम, मंसिर २५ गते ।
सिरहाको गोलबजार स्थित मारुती सिमेन्ट उद्योगमा मजदूरहरुको प्रदर्शन जारी रहेको छ ।
मंगलवार उद्योग व्यवस्थापनको लापरवाहीका कारण मजदूरले आत्महत्या गरेको भन्दै मंगलबार बिहानैदेखि उद्योग बन्द गरी प्रदर्शनमा रहेको छ ।
उद्योग व्यवस्थापनले कामबाट हटाएपछि गोलबजार नगरपालिका ९ निवासी कामदार अनिता पासवानले मंगलबार आत्महत्या गरेको प्रदर्शनकारीहरुको आरोप रहेके छ । अखिल नेपाल कारखाना मजदूर संघका सदस्य समेत रहेकी पासवानले उद्योग नजिकै आत्महत्या गरेको थाहा पाएपछि भेला भएका मजदूरले कामकाज बहिष्कार गर्दै पूर्व–पश्चिम राजमार्ग अवरुद्ध गरी प्रदर्शनमा उत्रेका थिए ।
घटनाको २४ घण्टा बितिसकेपनि उद्योग व्यवस्थापनले समस्या समाधानमा चासो नदेखाएको भन्दै आन्दोलनरत मजदूरले बुधवार बिहानैदेखि उद्योग बन्द गरी प्रदर्शनलाई जारी राखेका छन् । मजदूरहरूले सिमेन्ट उद्योगमा कार्यरत पासवानलाई कामबाट हटाएकाले आत्महत्या गरेकाले कामबाट निकाल्नेलाई कारवाही र पीडित परिवारलाई क्षतिपूर्ति दिनुपर्ने माग अघि सारेका छन् ।
बुधबार दिउँसो दुवै पक्ष बसेर वार्ता मार्फत समस्या समाधान गर्न उद्योग व्यवस्थापन पक्ष तयार भएपछि मृतकको शव परीक्षणका लागि अनुमति दिइएको अखिल नेपाल मजदूर सङ्गठन प्रदेश नं २ का सचिव केदार देवले जानकारी दिएका छन् ।
मजदूरको आन्दोलनका कारण अवरुद्ध राजमार्ग प्रहरीले मांग सम्बोधन गराउने प्रतिबद्धता दिएर खुलाए पनि मजदूरले मृतक पासवानको शव उद्योग परिसरमै राखेर प्रदर्शनमा रहेका छन् ।
आत्महत्या विरुद्ध मारुती सिमेन्ट उद्योगमा मजदूरहरुको प्रदर्शन जारी
नोट: लोकपुकार डटकममा प्रकाशित कुनैपनि सामाग्री बिना इजाजत लिई हुबहु वा आंशिक रुपमा कपी गरी प्रकाशन गरे विद्युतिय ऐन बमोजिम दण्डनीय अपराध मानिनेछ । यस किसिमको कार्य गरेको पाइएमा सम्बन्धित संचार माध्यम विरुद्ध हामी कानूनी उपचार खोज्न बाध्य हुनेछौ भनी सचेत गराउन चाहन्छौं ।
नेपाली, मैथिली र हिन्दी भाषाको यो देशकै पहिलो त्रैभाषिक डिजिटल पत्रिका हो । तपाईको सरोकार र चासोको विषयलाई समेटेर समाचारको रुपमा पस्किन लोकपुकार डटकम निरन्तर तयार रहनेछ ।….. विस्तृत
यो विषयमा आफ्नो प्रतिक्रिया दिनुहोस् !