अञ्जली चौधरी
जनकपुरधाम, कात्तिक १५ गते ।
समाजवादी नेपाल पार्टीका अध्यक्ष एवं संघीय सरकारका स्वास्थ्य तथा जनसंख्या मन्त्री उपेन्द्र यादवले बिहीवार भ्रमण नेपाल २०२० को अवसरमा आयोजित कार्यक्रममा भने जनकपुरको फोहरले आफूलाई आत्म गलानी हुन्छ भने ।
उनको यस भनाईले जनकपुर क्षेत्रमा निकै टिकाटिप्पणी हुन थालेको छ । हुनु पनि आवश्यक नै हो, किनकी प्रदेश सरकार उनकै पार्टीका प्रदेशका अधिकांश स्वच्छता अभियानी मध्ये रामआशिष यादव प्रदेश सभा सदस्य बन्न सफल भएका व्यक्ति उनकै पार्टीका हुन तर उनी भन्छन जनकपुर आउंदा यहाँको फोहर र दुर्गन्धले आफूलाई आत्म गलानी हुन्छ ।
प्रदेशका सबै हर्ताकर्ता उनकै पार्टीका, आफू स्वयं संघीय सरकारको मन्त्रीमा आसिन रहेको अवस्थामा जनकपुरप्रति यस्तो नाकारात्मक अभिव्यक्ति दिनुको अर्थ प्रष्ट हुन्छ कि प्रदेश २ को राजधानी जनकपुर नहोस भन्ने उद्देश्यमा उनी लागेका हुन ।
समाजवादी नेतृत्वकै प्रदेश २ सरकारले स्वच्छता अभियानको नाममा छुट्टै कार्यक्रम नै चलाएका छन जसको संयोजक पनि उनकी पार्टीका नेता सल्लाउदीन अहमद हुन । जसमा करोडौ करोड बजेट प्रति वर्ष सरसफाईको नाममा छुटयाइन्छ तर जनकपुर फोहर हुनु भनेको मन्त्री यादवलाई जनकपुरको दुर्गन्धप्रति होइन आफ्नै पार्टीका नेता कार्यकर्ताले स्वच्छताको नाममा करोडौ रुपैया झ्वाम पार्ने गरेको कार्यप्रति गलानी हुनु जरुरी छ ।
गत वर्षदेखि नै प्रदेश २ सरकारले स्वच्छता अभियान कार्यक्रम चलाएका छन । तर सो कार्यक्रमबाट जनकपुर क्षेत्रमा एउटा पनि शौचालय निर्माण वा सरसफाई व्यवस्थापन तथा सामाग्रीमा खर्च गर्न सकेका छैनन । गरेका छन भने एउटै काम विभिन्न अवसरमा मुख्यमन्त्रीदेखि मन्त्री र कार्यकर्तासम्मले झाडू लिएर फोटो खिचाई समाजिक संजालमा फेसबूकमा राख्ने ।
प्रदेश सरकारले स्वच्छता अभियान कार्यक्रममा एउटा महत्वपूर्ण अर्थविहिन कार्य गरेको छ त्यो हो जनकपुर स्थित जानकी मन्दिरको सौन्दर्यकरण, जसका लागि करीब ८ करोड छुटयाएको छ । जानकी मन्दिर सौन्दर्यकरण हुनु जरुरी छ तर त्यसलाई समग्र जनकपुरलाई जोडन सकिदैन । किनभने जनकपुर आउने पर्यटक जानकी मन्दिर हेरेर मात्रै फर्किदैन, जनकपुर बजार घुमफिर गरियो भने फोहर र दुर्गन्ध देखे भने मन्त्री यादव जस्तै गलानी हुनेछ ।
मन्त्री यादवले जनकपुरप्रति बिहीवार दिएको नाकारात्मक अभिव्यक्ति यो पहिलो होइन यसअघि पनि पटक पटक दिइसकेका छन । जसको प्रमुख उद्देश्यले हो उनी शुरुदेखि नै तात्कालिन प्रस्तावित मधेश प्रदेशको राजधानी जनकपुर नहोस् । उनी शुरुदेखि नै मधेशको राजधानी बिरगंज हुनुपर्ने पक्षमा हुन । सोही कारणले उनी जनकपुरलाई शुरुदेखि नै हिनभावनाले हेर्दै आउनु भएको छ ।
प्रदेश सरकारले चलाएको अभियान कार्यक्रम मार्फत खासगरी बारा, रौतहट र पर्सा जिल्लामा पोखरी सौन्दर्यकरण र बाटोघाटो निर्माणमा रकम खर्चिदै आएको छ । प्रदेश सरकारले सो कार्यक्रम मार्फत यी तीन बाहेक अन्य जिल्ला शौचालय निर्माण वा सरससफाई व्यवस्थापन तथा सामाग्रीको नाममा खर्चेको छैन । जनकपुर यस्तो दुर्गति यहाँका स्थानीय भन्दा पनि प्रदेश सरकार र उनी नेतृत्वका पार्टीका नेताहरु र स्थानीय सरकार हुन ।
मन्त्री यादवका प्रदेश सत्ता साझेदार दल राजपा नेपाल पार्टीका नेता लालकिशोर साह नै जनकपुरधाम उपमहानगरपालिकाका मेयर हुन । उपमहानगरपालिकाले पनि सरसफाईको नाममा प्रतिवर्ष करोडौ रुपैया खर्चदै आएको छ । तर पनि जनकपुर फोहर हुुन भएको प्रदेश र स्थानीय सरकारका लागि लज्जास्पद कुरो हो, यसका श्रेय मन्त्री यादवलाई पनि छन किनकी स्वच्छताको नाममा प्रतिवर्ष करोडौ रुपैया भ्रष्टाचार हुनु ।
मन्त्री यादवले सार्वजनिक कार्यक्रममा जनकपुर क्षेत्रमा अहिलेपनि शौच गर्न लोटा लिएर बाटोमा बस्ने प्रवृति कायम रहेको उल्लेख गर्दै यहाँको फोहर र दुर्गन्धले आत्म गलानी अभिव्यक्ति दिनुभन्दा बेश जनकपुरको स्वच्छताका लागि अहिलेसम्म के काम गरेको छ भन्ने कुरा आफ्नै पार्टीका प्रदेश सरकारसँग सोध्दा बेश हुने थियो । तर उनी त्यस्तो गर्न सक्दैन किनभने स्वच्छता अभियानको नाममा छुटयाइएको बजेटबाट अनियमितताको रकम पार्टी फण्डमा पनि जाने गरेको छ ।
उनी आफ्नै पार्टीका प्रदेश सरकारसंँग जनकपुरको सरसफाई, फोहर व्यवस्थापनका लागि ल्याण्ड फिल्ड साइट र खुल्ला शौच प्रवृति रोक्न सार्वजनिक शौचालय वा विपन्न वर्गको घरमा शौचालय निर्माणका लागि कुनै स्पष्टीकरण नलिई सार्वजनिक कार्यक्रममा जनकपुरवासीलाई गाली गर्नु भनेको उनी यहाँका नगरवासीलाई दोषी देखाई प्रदेशको राजधानी विरगंज सार्ने हो । हुनु पनि जरुरी छ किनभने मधेश आन्दोलनकै बेलादेखि उनी पटक पटक प्रदेशको राजधानी विरगंज हुनुपर्ने अभिव्यक्ति दिदै आएका हुन ।
यो विषयमा आफ्नो प्रतिक्रिया दिनुहोस् !