लोक समाचारदाता
जनकपुरधाम, कात्तिक १४ गते ।
नेपाली काँग्रेस र समाजवादी पार्टीका कार्यकर्ताबीच धनुषाको रमदैयामा भएको कुटाकुटमा परी करीब एक दर्जन घाइते भएको छ ।
जिल्लाको क्षीरेश्वरनाथ नगरपालिका १० रमदैया भवाडीमा शुभ विजया दशमी, दीपावली तथा छठ पर्वको अवसरमा नेपाली कांग्रेसले आयोजना गरेको चियापान कार्यक्रम पश्चात कुटाकुट भएको थियो ।
कांग्रेस क्षेत्रीय कार्य समिति क्षेत्र नं. ४ द्वारा आयोजित सो कार्यक्रम सम्पन्नपछि सामान ओसार पोसार गर्ने क्रममा समाजवादी पार्टीका कार्यकर्तासंग विवाद भएको थियो । विवाद बढेर कुटाकुटको अवस्था आएको कुरा इलाका प्रहरी कर्यालय महेन्द्रनगरले जनकारी दिएका छन ।
सो कुटाकुटमा रामहृदय यादव, सुकदेव यादव, राम बहादुर यादव, अमरेश कुमार यादव, श्याम यादव, उमेश यादव, संतोष यादव लगायतका दुवै पार्टीका कार्यकर्ताहरु घाइते भएका छन ।
कांग्रेस कार्यकर्ताहरुले कार्यक्रममा प्रयोग गरेका टेन्ट ओसारने क्रममा उच्चश्रृंखल नाराबाजी गर्दै गइरहेको थियो, हामी चुप्प भएर बसेका थियौं । त्यसपछि मेरो नामै किटान गरेर जथाभावी नाराबाजी गर्न थालेपछि आफूले सम्झाउन जाँदा विवाद भएको समाजवादी नेपालका घाइते कार्यकर्ता सुकदेव यादवले बताएका छन् ।
विवाद सकिएपछि २०÷२५ जनाको कांग्रेसी कार्यकर्ताहरुको समूहले आफू र आफ्ना कार्यकर्तामाथि जाइलागेपछि कुटाकुटको अवस्था आएको समेत उनले बताए ।
उता कांग्रेस कार्यकर्ताहरुले हाम्रो कार्यक्रम सकेपछि सामान पु¥याउने क्रममा आफनो कार्यकर्तालाई बिचबाटोमै अवरोध उत्पन्न गरेपछि झडप भएको बताएका छन । घाइतेहरुको उपचार रमदैया स्थित जानकी मेडिकल कलेजमा उपचार भइरहेको बताइएको छ ।
यो विषयमा आफ्नो प्रतिक्रिया दिनुहोस् !