लोक समाचारदाता
जनकपुरधाम, असोज २५ गते ।
सशस्त्र प्रहरी धनुषाले भन्सार छलेर भारतबाट ल्याउंदै गरेको लाखौ मूल्य बराबरको लता कपडा सहित खाद्यय सामाग्री अवैध सामानहरु बरामद गरेको छ ।
जटहीबाट जनकपुरतर्फ आउँदै गरेको ज १ ख ७६६ नम्बरको रुपेश ट्राभ्लस बसमा विशेष सूचनाको आधारमा चेकजाँचको क्रममा सशस्त्र प्रहरीले करिब २ लाख ३५ हजार मूल्य बराबरको समान बरामद गरेको जनाइएको छ ।
सहायक प्रहरी निरिक्षक गणेशदत्त पाण्डेयको नेतृत्वमा खटिएको सशस्त्र प्रहरी टोलीले शनिवार दिउँसो जनकपुरधाम उपमहानगरपालिका २० रुपैठाबाट चेकजाँच गर्ने क्रममा उक्त समान बरामद भएको सशस्त्र प्रहरी उपरिक्षक राजेश उप्रेतीले जानकारी दिएका छन् ।
सो बसबाट ६२ हजार ९ सय मूल्य बराबरको लत्ताकपडा, १४ हजार मूल्य बराबरको २ क्विन्टल मटर, १ लाख १७ हजार ५० रुपैँया बराबरको खाद्यय सामाग्री र ४० हजार ३ सय २० रुपैँया मूल्य बराबरको भाडावर्तन बरामद भएको सशस्त्र प्रहरी उपरिक्षक उप्रेतीले जनाएको छ ।
बरामद भएको समान जनकपुर भन्सार कार्यालय बुझाउने प्रक्रियामा रहेको जानकारी समेत उनले दिएका छन् ।
यो विषयमा आफ्नो प्रतिक्रिया दिनुहोस् !