लोक सम्वाददाता
जलेश्वर, असोज २१ गते ।
महोत्तरी प्रहरीले कौडी खेलाउने आरोपमा दुई जनालाई पक्राउ गरेको छ ।
जिल्लाको लोहरपट्टी नगरपालिका ५ बस्ने वर्ष ५८ का बिल्टु शर्मा र जिल्ला महोत्तरी औरही नगरपालिका १ बस्ने वर्ष ३० का प्रमोद मण्डललाई सोमबार राति पक्राउ गरेको प्रदेश २ प्रहरी कार्यालयले जनाएको छ ।
प्रहरीले तिनीहरुको साथबाट नेपाली ६७ हजार र भारु ४ हजार ८ सय ५० गरी जम्मा ७१ हजार ८ सय ५० समेत बरामद गरेको छ ।
प्रदेश प्रहरी कार्यालयबाट खटेको व्युरो टोलीले गोप्य सूचनाको आधारमा कौडा खेलाउँदै गर्दा दुवैजनालाई पक्राउ गरिएको बताइएको छ । त्यस्तै नगद ३० हजार रुपैयाँको काटिएको चेक समेत बरामद भएको जनाएको छ ।
पक्राउ परेका दुवैजनालाई थप अनुसन्धानको लागि इलाका प्रहरी कार्यालय लोहरपट्टी महोत्तरीमा राखिएको प्रदेश प्रहरी कार्यालयले जनाएको छ ।
यो विषयमा आफ्नो प्रतिक्रिया दिनुहोस् !