वीरगञ्जमा बम विस्फोट ३ घाइते

लोक सम्वाददाता
वीरगञ्ज, साउन २४ गते ।
प्रदेश २ को औद्योगिक नगरको रुपमा रहेको वीरगञ्ज महानगरपालिकामा शुक्रवार दिउंसो भएको बम विस्फोटमा ३ जना घाइते भएको छ ।
बीरगञ्ज ४ स्थित विर्ता बजारमा भएको सो बम विस्फोटमा परी भारत रक्सौलका २० मौजे निवासी २४ वर्षिय मनोज सोनकार, बीरगञ्ज ९ का पन्नालाल सुनोरिया र छपकैयाका ३७ वर्षिय सिता गिरी सहितका व्यक्तिहरु घाइते भएको छ ।
उनीहरूको नारायणी अस्पतालमा उपचार भइरहेको वडाध्यक्ष जगत शाहले बताएका छन् । स्थानीय मिठु शंकरको कागती पसलमा साँझ साढे ७ बजे बिस्फोट भएको जनाइएको छ । घटनामा हुने पनि घाइते भएको आशंका गरिएको छ । घाइते सुनोरिया उपचार पश्चात घर फर्किसकेका छन भने अन्य दुईको अवस्था गम्भीर बताइएको छ ।
घटनाबारे जानकारी प्राप्त भएलगत्तै, घटनास्थल पुगेर अनुसन्धान थालिएको वडा प्रहरी कार्यालय विर्ताका प्रमुख प्रहरी निरीक्षक निर्मल पनेरूले बताए ।
जिल्ला प्रहरी कार्यालय, पर्साका प्रमुख सोमेन्द्रसिंह राठौरले भने प्रारम्भिक अनुसन्धानले पटाका पड्किएको हुनसक्ने देखिएको बताए ।
प्रहरीका अनुसार घाइतेको अवस्था चिन्ताजनक छ । एसपी राठौर भन्छन ‘केटाकेटीले खेल्दाखेल्दै पड्किएको देखिन्छ ।