अवैध गाँजा सहित दुई युवक पक्राउ

लोक सम्वाददाता
जनकपुरधाम, साउन ७ गते ।
लागू औषध गाँजा सहित प्रहरीले धनुषाबाट दुई युवकलाई पक्राउ गरेको छ ।
मंगलवार बिहान धनुषा प्रहरीले जिल्लाको लक्ष्मिनिया गाउँपालिका १ सिंगरजोडा जाने बाटोमा पिपल चौतारा नजिक चेकजाँचको क्रममा ज ९ ६३९८ नम्बरको मोटरसाइकलबाट अवैध गाँजा सहित ती युवकहरुलाई पक्राउ गरेको हो ।
जिल्ला प्रहरी कार्यालय धनुषाले दिएको जानकारी अनुसार मोटरसाइकलमा अवैध गाँजा बोकेर गइरहेको गोप्य सूचनाको आधारमा ज.९ प. ६३९८ नं. को डिस्कभर मोटरसाइकललाई चेकजाँच गर्दा महोत्तरी जिल्ला औरही नगरपालिका २ का पवन विश्वकर्मा र सर्लाही जिल्ला लालबन्दी नगरपालिका १० का रोशन विश्वकर्मालाई अवैध गाँजा सहित पक्राउ गरिएको छ ।
पक्राउ परेका युवकहरुको साथबाट निलो रंगको झोलामा लुकाई राखिएको ५ किलोग्राम गाँजा बरामद गरिएको र पक्राउ परेका विरुद्ध थप अनुसन्धान जारी रहेको जिप्रका धनुषाले जनाएको छ ।