लोक सम्वाददाता
जनकपुरधाम, असार १७ गते ।
जनकपुरधाम, पुर्व राज्य मन्त्री एवं पुर्व सांसद संजयकुमार साहलाई संचार उद्यमी अरुण सिंघानियाको हत्या आरोपमा जिल्ला अदालत धनुषाले जन्मकैदको फैसला सुनाएको छ ।
मंगलवार जनकपुरधाम स्थित जनकपुर टुडेका संचालक संचार उद्यमी सिंघानियाको हत्या घटना मुद्दाको सुनवाई गर्दै जिल्ला अदालत धनुषाका न्यायाधीश राधाकृष्ण उप्रेतीको इजलासले पूर्वसांसद साह र सुटर भनिएका मनक लामासहित दुईजनालाई जन्मकैदको फैसला सुनाएको हो ।
लामाले संजयले भनेपछि आफूले सिंहानियाको हत्या गरेको अदालतसमक्ष बयान दिएका थिए सोही आधारमा पुर्व सांसद साहलाई पनि जन्मकैदको फैसला सुनाइएको छ । साह अहिले ललितपुरको नख्खु कारागारमा छन् भने लामा पुर्पक्षका लागि महोत्तरीको जलेश्वर कारागारमा छन् ।
यसअघि अदालतले पाँचजनाको ज्यान जाने गरी भएको जनकपुर बमकाण्डमा समेत साहलाई जन्मकैदको फैसला सजाय सुनाएको थियो । सिंहानिया हत्या घटनाको करिब १० वर्षपछि १४ जेठदेखि जिल्ला अदालत धनुषामा सुनवाइ सुरु भएको थियो ।
त्यसैगरी सिंघानिया हत्याकाण्ड घटनामा संलग्न रहेका साहको नजिकका भनिएका रामविनोद यादवलाई तीन वर्ष, एकलाल सहनीलाई १० वर्ष, चन्द्रदीप यादवलाई १० वर्ष, पवन लामालाई १० वर्ष र मुकेश चौधरीलाई २० रुपैयाँ जरिवाना गरिएको हो ।
घटनमा संलग्न भनिएपनि रामकरण, ओमप्रकाश यादव र अंसी राईनले सफाइ पाएका छन् भने दिपेन्द्रलाई मुलतबीमा राखिएको छ ।
यो विषयमा आफ्नो प्रतिक्रिया दिनुहोस् !