जनकपुरधाम । धनुषाको मिथिला नगरपालिका–७ ढल्केबरमा प्रस्तावित ट्रमा सेन्टर अन्यत्र सार्न खोजिएको भन्दै स्थानीयले घोषणा गरेकाे आन्दाेलनप्रति मधेश प्रदेशका पुर्व उर्जा, सिचाई तथा खानेपानी मन्त्री शेषनारायण यादवले ऐ्क्यबद्धता जनाउंदै समर्थन गरेका छन् ।
यसअघि पुर्व मन्त्री यादवले आजैका दिनदेखि धर्नामा बस्ने घाेषणा गरेका थिए । धर्नामा बस्नुअघि उनले संघर्ष समितिसंग भेटघाट गर्दा समितिले २७ गतेसम्म आन्दाेलनकाे गरिसकिएकाले आन्दाेलनपछि दाेश्राे आन्दाेलनकाे क्रममा धर्ना कार्यक्रमलाई अघि बढाउने आग्रह गरेपछि उनले हालका लागि धर्ना कार्यक्रम स्थगित गर्दै साेही आन्दाेलनप्रति ऐक्यबद्धता जनाउंदै समर्थन गरेका छन् ।
उनले भने संघर्ष समितिकाे आग्रहपछि साे आनणदाेलनमा प्रभाव पर्न सक्ने भएकाले हाललाई धर्ना कार्यक्रम स्थगित गरि साेही आन्दाेलनप्रति ऐक्यबद्धता जनाउंदै समर्थन गरेका छाैं ।
उनले भने साउन २७ पछि धर्नासंगै आन्दाेलनलाई सशक्त रूपमा अघि बढाउनेछाैं ।
यता ट्रमा सेन्टर प्रस्तावित स्थानमै निर्माण गर्नुपर्ने माग राख्दै संघर्ष समितिले शुक्रबार ढल्केबरमा पत्रकार सम्मेलन गरी चरणबद्ध आन्दोलनका कार्यक्रम सार्वजनिक गरेको हो ।
संघर्ष समितिका अनुसार साउन २३ गते ढल्केबरमा राँके जुलुस प्रदर्शन गरिनेछ । त्यसपछि साउन २४ गते पूर्वपश्चिम राजमार्गअन्तर्गत ढल्केबरमा आधा घण्टा चक्काजाम गरिनेछ ।
साउन २५ गतेदेखि चक्काजामको अवधि क्रमशः बढाउँदै लैजाने समितिले जनाएको छ । समितिले साउन २६ गते बिहान ११ बजेदेखि दिउँसो १२ बजेसम्म तथा साउन २७ गते बिहान ११ बजेदेखि दिउँसो १ बजेसम्म राजमार्ग अवरुद्ध गर्ने कार्यक्रम तय गरेको छ ।
पुर्व मन्त्री यादवले नेपाली कांग्रेसका पुर्व सहमहान्त्रि महेन्द्र यादवसंगै पछिल्लाे पटक सुनसरी घटनालाई लिएर प्रदर्शनकाे क्रममा सुरक्षाकर्मीकाे गाेली लागेर मृत्यु भएका सिरहाकाे औरही गाउँपालिका–०२, टोल तुल्सीपुर निवासी १७ वर्षीय सुपुत्र गणेश यादवकाे परिवारसंग घरमै पुगेर भेटघाट गरेका छन् ।
उहाँप्रति हार्दिक श्रद्धाञ्जली अर्पण गर्दै शोकसन्तप्त परिवारजनप्रति गहिरो सम्वेदना व्यक्त गरेका थिए । उनले सम्वेदना व्यक्त गर्दै आवश्यक सहयाेगका लागि राज्य र प्रदेश सरकारलाई झकझकाउने प्रतिबद्धता जनाएकाे थियाे ।
साे भेटघाट टाेलीमा नेपाली कांग्रेस मधेश प्रदेश संसदीय दलका प्रमुख सचेतक तथा मधेश प्रदेश सभा सदस्य माननीय कुमर कान्त झा, नेपाली कांग्रेस मधेश प्रदेश कार्यसमिति सदस्य डा. बजरंग यादव, नेपाली कांग्रेसका नेता सन्तोष यादव लगायत स्थानीय नेताहरूको उपस्थिति रहेको थियो।
यो विषयमा आफ्नो प्रतिक्रिया दिनुहोस् !