जनकपुरधाम । धनुषाको सबैला नगरपालिका १२ नह, चाेकस्थित शिव हनुमान मन्दिरमा बस्दै आएका व्यक्तिलाई गएराति घाँटी रेटेर हत्या गरिएको छ । उनी मन्दिरका सहायक पूजारी रहेकाे बताइएकाे छ ।
उनलाई घाँटी रेटेर हत्या गरिएको पुष्टि जिल्ला प्रहरी कार्यालय धनुगा र सबैला नगरपालिकाका मेयर कारीराम यादवे पनि गरेका छन् ।
घटनास्थल पुगेका मेयर यादवले भने मन्दिरभरि रगतैरगत देख्दा घटनाकाे वस्तुस्थिति हेर्दा मृतकले बचाउको लागि संघर्ष गरेपनि आफुलाई बचाउन नसकेकाे लाग्छ । मन्दिरको कुट्टी परिसर कोठाभरि रगतको छिट्टा परेको देखिएकाे छ ।
मृतक धनुषा हँसपुर नगरपालिकाका अन्दाजी ४५ बर्षिय बन्ठु राउत रहेको मेयर यादवले जनाएका छन् । घटनाकाे धेरै बेरपछि प्रहरी घटनास्थल नियन्त्रणमा लिएमा छन ।
उनी करिब १५ बर्षदेखि सोही मन्दिरमा बस्दै आएको बताईएको छ । कहिले बाहिर कमाउन जाने र पुनः सोही मन्दिरमा आएर बस्ने गरेको स्थानीयहरुले जनाएको छ ।
मुख्य पूजारी अर्कै जना रहेको तथा सहायक पूजारीको रुपमा उनी बस्दै आएको पनि स्थानीयहरुले बताएको छ । यद्यपी, यसको अधिकारिक पुष्टि भने भएको छैनन् ।
स्थानीयका अनुसार, उनी पनि मन्दिरमा पूजापाठ गर्दै आएका थिए । केही दिन अगाडी भारतबाट कमाएर आएका थिए । उनीसँग भएको रकम लुटपाट गर्न पनि हत्या गरेको हुन सक्ने शंका जनाए ।
यता धनुषा प्रहरीले राउत मन्दिरमा मात्र बस्दै आएका थिए । उनी कुनै पूजारी नरहको दाबी गरेकाे छ ।
यो विषयमा आफ्नो प्रतिक्रिया दिनुहोस् !