जनकपुरधाम । नेपाल रेडक्रस सोसाइटी धनुषाको तदर्थ समितिको सभापति अध्यक्ष पँकज महतोको नियुक्ति अवैधानिक रहेको भन्ने आलोचना हुन थालेको छ ।
सेवामूलक संस्था रेडक्रसमा राजनीतिक दलसँग आबद्ध व्यक्ति पँकज महतोलाई विधान विपरित सभापतिमा नियुक्त गरिएपछि आलोचना समाजिक सञ्जालसहित स्थानीयस्तरमा भइरहेको छ ।
नेपाल रेडक्रस सोसाइटीको विधानमा राजनीतिक दल र त्यसका भातृ संगठनमा आबद्ध व्यक्ति रेडक्रसको सदस्य वा पदाधिकारी हुन नपाउने स्पष्ट व्यवस्था रहेपनि रास्वपा कार्यकर्ता पँकज महतोलाई विधान विपरित सभापति पदमा नियुक्त गरिएको हो ।
नेपाल रेडक्रस सोसाइटीको विधान २०२० (अठारौं संशोधन २०८२ सहित) को दफा ७२ को उपदफा ३ मा ‘सक्रिय राजनीतिमा संलग्न भई राजनीतिक संगठन (भातृ संगठन समेत) को विभिन्न निकायका पदहरुमा रहेका र राजनीतिक दलबाट सबै तहका शासकीय संरचनामा संलग्न भई पदाधिकारी तथा सदस्य पदमा आसीन व्यक्तिहरु नेपाल रेडक्रस सोसाइटीका कुनैपनि तहका समिति, आयोग र उपसमितिहरुमा सदस्य तथा पदधिकारीहरु रहने छैन’ व्यवस्था रहेको छ ।
विधानका ती व्यवस्थालाई मानमर्दन गर्दै नेपाल रेडक्रस सोसाइटीले सत्ताधारी दल रास्वपाको प्रभावमा परी रास्वपा कार्यकर्ता एवं सो पार्टीका केन्द्रिय कृषि विभागको सदस्य समेत रहेका महतोलाई रेडक्रसको धनुषा सभापति पदमा नियुक्त गरिएको आरोप लागि रहेको छ । रास्वपामा उनको सदस्यता नं. म्क्ब् ३ख—०००२६८९०२ रहेको छ ।
रेडक्रसका केन्द्रीय महामन्त्री ऋषिरमण खनालद्वारा जारी पत्रमा धनुषा शाखाको सभापति महतो सभापतित्वमा अन्य पदाधिकारीसहित ११ सदस्यीय कार्यसमिति गठन गरिएको जानकारी गराइएको थियो । सभापति महतो मात्र होइन एकजना महिला सदस्य बाहेक अन्य सबै पदाधिकारी तथा सदस्यहरु रास्वपा पार्टीसँग आबद्ध रहेको दाबी गरिदैछ ।
महतो मात्र होइन रेडक्रस सदस्यमा नियुक्त भएका राजेशकुमार ठाकुरमाथि समेत प्रश्न उठेको छ । उनी रास्वपा केन्द्रिय सदस्य एवं धनुषा क्षेत्र नम्बर ३ का सांसद मनिष झाको सचिवालय प्रतिनिधि रहेका छन् । सचिवालयमा उनी कार्यालय व्यवस्थापकको रुपमा कार्य गर्दै आएको विभिन्न प्रमाणले देखिन्छ ।
हुनत धनुषा सभापति महतोको नियुक्त बारे रेडक्रसका केन्द्रिय महामन्त्री खनालले विगतमा उनी के थियो भन्ने कुरासँग मेरो कुनै सरोकार छैन । म कहाँ उहाँले रास्वपाबाट राजीनामा गरिसकेको भन्ने कुरा आएपछि नियुक्त गरिएको हो । लिखित स्वीकृतिको पत्र रेडक्रसमा बुझाइएको हो भन्ने बारे उनले राजीनामा वा स्वीकृति पत्र त बुझाइएको छैन, उहाँले राजीनामा गरिसकेको भन्ने कुरा पार्टीबाट कुरा आएपछि नियुक्त गरेका हौं ।
सभापति महतो समेतले सामाजिक सञ्जालमा आलोचना बढन थालेपछि आफ्नो राजीनामा पत्र नै सामाजिक सञ्जालमै हालेर स्पष्टीकरण दिन खोजेका छन् । सो पत्र अनुसार उनले असार २२ गते राजीनामा दिएको देखिन्छ । तर पार्टी श्रोतको अनुसार उनको राजीनामा स्वीकृत नियुक्ति हुँदासम्म स्वीकृत भएको थिएन ।
अन्य पदाधिकारीहरुमा विमल पुर्वेलाई मन्त्री, सतिशकुमार सिंहलाई कोषाध्यक्ष, सदस्यहरुमा सुभाषचन्द्र यादव, राजेशकुमार ठाकुर, राजेश राइन, अजयकुमार नायक, राजेन्द्रकुमार झा, शान्ति विष्ट, नागिनादेवी मिश्र र रामकलादेवी सादा नियुक्त भएका छन् ।
रेडक्रस अन्तर्राष्ट्रिय आन्दोलनका सात आधारभूत सिद्धान्तमध्ये “निष्पक्षता” र “स्वतन्त्रता” प्रमुख मानिन्छन् । यही कारण रेडक्रसलाई राजनीतिक प्रभावबाट मुक्त राख्ने व्यवस्था विधानमै गरिएको छ । तर सेवामुलक ती संस्थालाई अहिले रास्वपा नेता कार्यकर्ता भर्ती केन्द्रिय बनाइएकोमा परिवर्तनको नाममा आमजनताको मतको दुरुपयोग गरिएको भन्ने आवाजपनि स्थानीयस्तरबाट उठन थालेको छ ।
अपराधिक संलगन्ता
अपराधिक गतिविधिमा संलग्नता समेत पाइएको छ । महतो फौजदारी अभियोग अन्तर्गत रहेका चेक अनादर मुद्दामा दोषी समेत ठहर भइसकेका छन् ।
महोत्तरीको सोनमा गाउँपालिका ८ बस्ने नवीककुमार महतोले जिल्ला अदालत धनुषामा चेक अनादर सम्बन्धी मुद्दामा उनी दोषी ठहर भइसकेका छन् । न्यायाधिश ईश्वर आचार्यको एकल इजलासबाट २०८१ कात्तिक २५ गते उनलाई दोषी ठहर गरिएको हो ।
चेक दिएर साप्टी लिएको १४ लाख रुपैया फिर्ता नगर्दा नवीनले उनीविरुद्ध चेक अनादरको मुद्दा दायर गरेका थिए । अदालतले साप्टी लिएको १४ लाख रुपैया १० प्रतिशत ब्याज समेत जोडेर फिर्ता गर्ने र १ हजार ५ सय रुपैया जरिवानाको फैसला गरेको थियो ।
महतोको अन्य अपराधिक क्रियाकलापमा पनि नाम आइरहेको र विभिन्न मुद्दा खेपिरहेको अवस्थामा कसैलाई रेडक्रस पदाधिकारी नियुक्त गर्न सकिन्छ भन्ने विषयमा महामन्त्री ऋषिरमण खनालले विधान त्यसको कुनै स्पष्ट नरहेको भनी कुरा गर्न चाहेनन् ।
यो विषयमा आफ्नो प्रतिक्रिया दिनुहोस् !