जनकपुरधाम । अन्तर्राष्ट्रिय स्तरमा परिचित इन्डोनेसियाली आइसक्रिम तथा आईस प्रोडक्ट ब्रान्ड आईचाले नेपालमा आफ्नो यात्रा सुरु गरेको छ। ब्रान्डको पहिलो फ्रेन्चाइज आउटलेट शुक्रबारदेखि जनकपुरधाममा औपचारिक रूपमा सञ्चालनमा आएको हो ।
जनकपुरधामको मिल्स एरियामा स्थापना गरिएको नयाँ आउटलेटको उद्घाटन जनकपुरधाम उद्योग वाणिज्य संघका अध्यक्ष सुरेन्द्र भण्डारी र व्यवसायी मुना सर्राफले संयुक्त रूपमा गरेका हुन्। उद्घाटनसँगै ग्राहकका लागि आईचाका विभिन्न उत्पादन बिक्री–वितरण पनि सुरु गरिएको छ।
आउटलेटका प्रोप्राइटर यसवर्धन सर्राफका अनुसार नेपालमा पहिलोपटक आईचा ब्रान्ड भित्र्याउन सफल भएकोमा आफू उत्साहित रहेको बताए। उनले जनकपुरधामबाट सुरुवात गरिएको यो सेवा विस्तार गर्दै निकट भविष्यमा काठमाडौं र पोखरामा पनि नयाँ स्टोर सञ्चालन गर्ने तयारी भइरहेको जानकारी दिए ।
उनका अनुसार आईचा हाल विश्वका ३३ देशमा विस्तार भइसकेको ब्रान्ड हो, जसका २ हजारभन्दा बढी आउटलेट सञ्चालनमा छन् । कम्पनीले तय गरेको अन्तर्राष्ट्रिय मापदण्डअनुसार आइसक्रिम, विभिन्न स्वादका चिया तथा कफी स्वचालित प्रणालीमार्फत तयार हुने भएकाले संसारका जुनसुकै आईचा स्टोरमा पनि एउटै गुणस्तर र स्वाद कायम रहने उनले बताए ।
सर्राफले जनकपुरधामका उपभोक्ताको क्रयशक्ति र स्थानीय बजारलाई ध्यानमा राखेर उत्पादनको मूल्य निर्धारण गरिएको उल्लेख गर्दै गुणस्तरीय उत्पादन सुलभ दरमा उपलब्ध गराउने लक्ष्य रहेको बताए। उनले अन्तर्राष्ट्रियस्तरको स्वाद र सेवा अब जनकपुरधाममै सहज रूपमा उपलब्ध हुने विश्वास व्यक्त गरे ।
उद्घाटन गर्दै भण्डारीले भने अन्तरार्ष्टिय ब्राण्ड आशईचाकाे आउटलेट नेपालमै पहिलाे पटक जनमपुरधाममा खुल्नु यहांकाे उद्याेग व्यवसायले ठूलाे फड्काे मारेकाे हाे । आईचाकाे गुणस्तरीय ब्राण्डकाे स्वाद नेपालमै जनकपुरधामवासीले पाउनु उपभाेक्ताका लागि गर्वकाे कुरा रहेकाे उनले बताए । यनले थप्दै भने आईचा जस्तै अन्य अन्तरार्ष्टिय ब्राण्ड पनि यहांका व्यवसायीहरूले भित्रियाउनु पर्ने हाे ।
यो विषयमा आफ्नो प्रतिक्रिया दिनुहोस् !