जनकपुरधाम । मधेश प्रदेश सरकारका नेतृत्वकर्तादेखि मन्त्रीसम्म दास र लाश हुन भन्ने आरोप लगाइएको छ ।
आगामी आर्थिक वर्ष २०८३÷०८४ का लागि प्रस्तुत बजेटमा छलफल गर्न बोलाइएको प्रदेश सभाको बैठकमा जनता समाजवादी पार्टी (जसपा) नेपालका नेता एवं प्रदेश सांसद उपेन्द्र महतोले यो सरकारका प्रमुख मुख्यमन्त्री कृष्णप्रसाद यादव र मन्त्रीहरुले संघीयता समाप्त पार्ने रोडम्याप तयार गरिरहेको भन्दै तिनीहरुलाई दास र लाशको संज्ञा दिए ।
प्रदेशको बैठक प्रदेश सरकारले आर्थिक वर्षको अन्त्यमा ‘२०८३ असार १५ गते रौतहट पूर्वाधार विकास कार्यालय मार्फत ३० करोड ८ लाखको पाँचवटा योजना असार १७ गते १ अर्ब ३५ करोड बराबरको १० वटा कार्यक्रम सहित कुल एक अर्ब ६५ करोडको गरिएको टेण्डरको प्रसँगमा उनले यस्तो आरोप लगाएका हुन् ।
उनले भने प्रदेश सरकारका मुख्यमन्त्री र मन्त्रीहरु त संघीयता समाप्त पार्ने रोडम्याप नै तयार गरिरहेको छ ।
रेडबुकमै कहिं कतै उल्लेख नभएको योजना मुख्यमन्त्री कृष्णप्रसाद यादव र भौतिक पूर्वाधार विकास मन्त्री मोहम्मद समीर लगायतका मन्त्रीहरुले आफ्नो एउटै गृहजिल्ला रौतहटका लागि विभिन्न मितिमा गरी आर्थिक वर्षको अन्त्यमा एक अर्ब ६५ करोडको योजनाको टेण्डर गरेको छ । प्रदेशले थेग्नै नसक्ने गरी दायित्व बढाएको गुनासो गरे ।
सो प्रसंगमै थप्दै उनले भने, ‘नेपाली कांग्रेसका सभापति गगन थापा भन्नुहुन्छ कांग्रेस दास र लासको पार्टी होइन तर तपाईहरु दास र लाश नै हुनुहुन्छ । प्रदेश सरकारका सत्तारुढ दलहरुले यस्तो गतिविधि गरेर आफू र आफ्ना दललाई दास र लाश बनाएका छन् ।’
महतोले प्रदेश सरकारका सत्तारुढ दल कांग्रेसका सपभाति गगन थापा, नेकपा अध्यक्ष पुष्पकमल दाहाल प्रचण्ड र एमाले अध्यक्ष केपी शर्मालाई सम्बोधन गर्दै भने मधेश प्रदेश सरकारमा रहेका तपाईका पार्टीका नेताहरु संघीयता डुबाउन तपाईको पार्टीलाई दास र लाश बनाउन लागेका छन् । कृप्या आफ्नो पार्टीलाई दास र लाश बन्नबाट जोडाउनुस सुझाव दिए ।
यो विषयमा आफ्नो प्रतिक्रिया दिनुहोस् !