जनकपुरधाम । राजनीतिक प्रतिशाेध साध्न विद्यार्थीकाे भविष्यसंग खेलवाड गरेकाे लगाइएकाे आराेप बारे मुखियापट्टी मुसहरनियाका गाउंपालिकाका अध्यक्ष जयकुमार यादवले आफुमाथि लगाइएकाे आराेप निराधार र कपाेलकल्पित रहेकाे दाबी गरेका छन् ।
गाउंपालिकाकाे वडा नम्बर ६ बैरियास्थित राष्ट्रिय प्राथमिक विद्यालय बैरियाका प्रधानाध्यापक पुनम यादवले शुक्रवार एक पत्रकार सम्मेलन आयाेजना गरि गाउंपालिका अध्यक्षमाथि आफ्ना श्रीमानसंगकाे राजनीतिक प्रतिशाेध साध्न विद्यालयका विद्यार्थीकाे भविष्यसंग खेलवाड गर्दै राष्ट्रिय माध्यमिक विद्यालय लक्ष्मीपुरमा गाभिएको आराेप लगाएकी थिइन ।
उनकाे आराेपकाे खण्डन गर्दै लाेकपुकारसंग अध्यक्ष यादवले भने प्रधानाध्यापक पुनमले विद्यालयमा पढाईभन्दा पनि राजनीति गर्न खाेज्दा सरूवा गरेपछि त्यहां नगई आफुमाथि विभिन्न आराेप प्रत्याराेप लगाउंदै आएकाे छ ।
उनले शिक्षक सरुवाको अधिकार स्थानीय तहलाई भएको जिकिर गर्दै गाउंपालिका कार्यसमितिबाट भएकाे निर्णयलाई दलीयमा अटेर गर्दै छ । सम्झाउन खाेज्दा अभिभावकलाई भड्काउने गरेकाे आरोप लगाए।
अध्यक्ष यादवले भने विद्यालय कम क्षेत्रफलमा छ, भौतिक पूर्वाधार अभाव भएकाले थप भवन निर्माण गरि स्तराेन्नति गर्न साे विद्यालयका विद्यार्थीलाई अस्थायी रूपमा अर्को विद्यालयमा गाभेर शिक्षकहरूकाे सरूवा गरे । विद्यार्थीका लागि बस व्यवस्थापन गरिदिएकाे छु, सबै त्यहां बसमा पढन जान्छन, सरूवा गरिएका शिक्षकहरू पनि त्यहां पढाउन गइरहेकाे छ ।
तर प्रधानाध्यापक यादव मात्रै सरूवा भएकाे ठाउंमा गएका छैनन, आफू मातहतका १०/१५ जना विद्यार्थीलाई घेरेर राखी राजनीति गर्न खाेजिरेका छन् ।
“नयाँ भवन निर्माण र विस्तार भएपछि विद्यालय फेरि पुरानै अवस्थामा सञ्चालन हुन्छ,” अध्यक्ष यादवको दाबी छ।
उनले थप्दै भने विद्यालय भवन निर्माण र विस्तारका लागि गत वर्ष र यस वर्ष बजेट पनि निकासा गरिसकिएकाे छ । तर गत वर्ष प्रधानाध्यापक यादवकै कारण काम गर्न सकिएन र मलाई राजनीतिक रूपमा असफल पार्न यस पटक पनि बजेट फ्रिज गराउनमा जुटेका छन् ।
प्रधानाध्यापक यादवलाई गाउँपालिकाले उनलाई २०८१ साउन १३ गते प्रावि मरनामा सरुवा गरेको थियो। तर उनले सरुवा शिक्षा नियमावलीविपरीत भएको भन्दै अस्वीकार गर्दै सरूवा गरिएकाे ठाउंमा गइनन् ।
यो विषयमा आफ्नो प्रतिक्रिया दिनुहोस् !