जनकपुरधाम । हरवा चरवाको तथ्यांक संकलनका लागि भूमि व्यवस्था, कृषि तथा सहकारी मन्त्रालयसंग सराेकारवालाबीच बैठक तथा अन्तरक्रिया सम्पन्न भएकाे छ ।
बैठकमा भूमि व्यवस्था, कृषि तथा सहकारी मन्त्री श्याम प्रसाद पटेलले हरवा चरवा लगत संकलन, प्रमाणिकरण र परिचयपत्र बितरण सम्बन्धी कार्यबिधी तयार पार्ने प्रक्रिया तत्काल अघि बढाउने प्रतिबद्धता जनाएका छन् ।
बुधवार भूमि व्यवस्था, कृषि तथा सहकारी मन्त्रालयमै सम्पन्न साे बैठक तथा अन्तरक्रियामा अन्तिम चरणमा रहेकाे कार्यविधिकाे फाइल सरकार परिवर्तन संगै हराएकाे गुनासाे गरेका थिए ।
कार्यक्रममा सहभागी हरवा चरवाका प्रतिनिधिहरुले विगतमा कार्यविधि तयार पार्न लगाएर मन्त्रिपरिषदबाट पारित हुने बेलामै सरकार परिवर्तन भएपछि फाइल नै हराएकाे भनी बेवास्ता गरिदै आएकाे छ ।
हरवा चरवाका कानूनी सल्लाहकार बालाराम भट्टराईले भने निकै अथक प्रयासले हामीले यस मन्त्रालयबाट कार्यविधि तयार गराएका थियौं मन्त्रीज्यूले मन्त्रिपरिषद्बाट पारित गराएर कार्यान्वयनमा लग्ने बताएका थिए । तर त्यसको केही दिनमै सरकार परिवर्तनपछि आजसम्म प्रदेश सरकारले चासो लिएको छैन ।
मन्त्री पटेलले हरवा चरवाको कुरा जानकारी लिएपछि अहिले मन्त्रालयमा त्योसँग सम्बन्धी कुनै कागजात फेला परेको छैन । तर तत्कालै शुरुदेखि नै प्रक्रिया थाल्ने बताए । अन्तरक्रियामा हरवा चरवाहरुले तत्कालै तथ्यांक संकलनका लागि विशेष आग्रह गरेका थिए ।
सामुदायिक सुधार केन्द्र (सिआईसी) द्वारा आयाेजित साे कार्यक्रममा हरवा चरवा अधिकार मञ्च केन्द्रका अध्यक्ष दशन मण्डल र द फ्रिडम फण्ड कार्यक्रमका सल्लाहकार ब्रहमदेव राम लगायतका वक्ताहरुले आ आफ्ना धारणा राखेका थिए ।
यो विषयमा आफ्नो प्रतिक्रिया दिनुहोस् !