जनकपुरधाम । महाेतरीकाे जलेश्वर-बर्दिबास सडकखण्डमा भएकाे मोटरसाइकल दुर्घटनामा परी तीन जना विद्यार्थीकाे मृत्यु भएकाे छ । घटनामा अन्य तीन जना गम्भीर घाइते समेत भएका छन्।
मंगलवार एकडारा गाउंपालिका-५ स्थित बखरी चोकबाट करिब २ सय मिटर उत्तरतर्फ दुईवटा मोटरसाइकल एक आपसमा ठाेकिंदा मोटरसाइकलमा आगलागी हुँदा सवार व्यक्तिहरू जलेर मरेका हुन् ।
दुर्घटनामा ज्यान गुमाउनेहरूमा जलेश्वर नगरपालिका-६ का सुभाष दास, सोही स्थानका रवि दास तथा एकडारा गाउँपालिका-३ अजमरपट्टीका अभिषेक मण्डल रहेका छन्।
दुर्घटनामा घाइते हुनेहरूमा जलेश्वर नगरपालिका–६ धाेबाैलीका अजय कापर, साेही ठाउंका अभय कापर र एकडारा ५ बथनाहाका रोहित दास रहेका छन् ।
प्रहरीका अनुसार दुवै मोटरसाइकलमा तीन-तीन गरी ६ जना सवार थिए। घटनामा मृ्त्यु भएकाहरू एसइइ परीक्षा दिई फर्किरहेका विद्यार्थी रहेकाे बुझिएकाे छ ।
दुर्घटनापछि स्थानीय र प्रहरीको टोलीले उद्धार गरी घाइतेहरूलाई उपचारका लागि अजय कापर, साेही ठाउंका अभय कापरका जनकपुरधामस्थित रामजानकी हस्पीटलमा र अजय कापरकाे प्रादेशिक जनकपुरधाममा भइरहेकाे छ । मृतकहरूको शव पोस्टमार्टमका लागि जलेश्वर प्रादेशिक अस्पतालमा राखिएको छ।
दुई मोटरसाइकल आपसमा ठोक्किएर दुर्घटना भएको हो वा अन्य कारणले भएको हो बारे यकिन भइसकेको छैन भने माेटरसाइकल जलेकाे कारण माेटरसाइकल खुल्न सकेकाे छैन । घटनाबारे थप अनुसन्धान भइरहेको जिल्ला प्रहरी कार्यालय महोत्तरीले जनाएको छ।
यो विषयमा आफ्नो प्रतिक्रिया दिनुहोस् !