जनकपुरधाम फागुन १३ गते । राष्ट्रिय स्वतन्त्र पार्टी (रास्वपा) का सभापति रवि लामिछानेले जनकपुरधामलाई विश्वसामु चिन्हताउन जानकी मन्दिरलाई विश्व सम्पदा सूचीमा लग्ने प्रतिबद्धता जनाएको छ ।
देश दौडाहामा निस्केका सभापति लामिछाने बुधवार जनकपुरधामस्थित जानकी मन्दिरमा दर्शन तथा पूजापाठ पश्चात मन्दिर बाहिरै मतादताहरुलाई सम्बोधन गर्दै भने जानकी मन्दिरलाई साक्षी राख्दै उनले जनकपुरधामको विकासका लागि जानकी मन्दिरलाई विश्व सम्पदा सूचीमा सूचीकृत गराउने, बहुप्रतिक्षित राम जानकी बहुउद्देश्य रंगशाला बनाएर दिने र मन्दिरका जग्गा कब्जा गर्नेहरुलाई खोजी खोजी कारवाही गर्ने चेतावनी दिए ।
उनले भने जानकी मन्दिरलाई विश्व सम्पदामा सूचीकृत नारा बर्षौदेखि हामी सुन्यौँ, तर अब त्यो सपना हामी रास्वपाले साकार पार्नेछौं, जनकपुरधामको रामजानकी बहुउद्देश्य अन्तर्राष्ट्रिय रङशाला चुनावी नारामै सीमित भएको देख्यौँ अब ती सबै पूरा गर्ने समय आएको छ, रास्वपाको सरकार बने त्यो सपना पनि साकार पार्नेछौ ।
अन्त्य उनले भने यहाँका मठ मन्दिरका धेरै जग्गाहरु कब्जा गरिएको छ । त्यसलाई अतिक्रमण मुक्त गराउन पहिला हामीले प्रयास गरियौं तर सकेनौं । तर अब ती सबै अतिक्रमित जग्गालाई अतिक्रमण मुक्त गराई अतिक्रमणकारीहरुलाई कानून बमोजिम कारवाहीको दायरामा ल्याउनेछौं ।
अर्को प्रसँगमा उनले अब देश विभाजनहरुलाई जनताले स्वीकार्ने छैन बताए । सभपाति लामिछानेले भने पहाड, हिमाल तराईको नाममा विभाजन गर्नेहरुको दूकान अब बन्द हुनेछ र पहाड, हिमाल र तराईको कुरा नभई सिंगो नेपालको कुरा मात्रै हुनेछ ।
सभापति लामिछानेले अहिले इतिहास लेख्ने समय तपाईहरुले देश विभाजन गर्नेहरुलाई किनारा लगाएर इतिहास लेख्नमा सहयोग गरियौं भने निर्वाचनपछि हामीले तपाईको सपना साकार पार्नेछौं ।
यसअघिको निर्वाचनमा हामीले सुशासनको नारा दिएपनि विभेदविरुद्धको आवाज उठाउन चुक्यौँ, तर यस पटकको निर्वाचनमा सुशासन र भ्रष्टाचारसँगै विभेदविरुद्धको आवाजलाई पनि बुलन्द बनाउएर अघि बढनेछौँ उनले भने । सुशासनको स्थापनाका लागि हामी जुन प्रतिबद्धताका साथ यहाँ आएका छौं । त्यस बारे हाम्रो उम्मेदवारहरुले कुराकानी गर्नेछ । जिताएर पठाउने जिम्मा तपाईको र इमान्दारीपूर्वक काम गराउने जिम्मा हाम्रो प्रतिबद्धता उनले जनाए ।
वर्षौदेखि थिचोमिचोमा परेको मधेसको आवाज नउठाई मुलुक निर्माण हुन नसक्ने बताउंदै उनले अब रास्वपाले विभेदमा पारिएका मधेशको विकासको कुरा आवाज मात्रै उठाउने छैन कि विकास गरेर देखाउनेछ । जानकी मन्दिरका महन्थ रामतपेश्वर दास वैष्णवसंग भेटघाट समेत गरेका थिए । भेटघाटको क्रममा उनले जानकारीको वर्तमान अवस्था जानकारी लिएका थिए ।
साे जानकी मन्दिर दर्शन तथा पुजापाठ कार्यक्रममा धनुषा ३ का उम्मेद्वार मनिष झा, धनुषा ४ का उम्मेद्वार राजकिशाेर महताे, नेताहरू अम्भु साह, जितेन्द्र महासेठ लगायत दर्जनाै नेताहरूकाे उपस्थिति रहेकाे थियाे ।
यो विषयमा आफ्नो प्रतिक्रिया दिनुहोस् !