जनकपुरधाम, फागुन ८ गते । अतिरिक्त क्रियाकलापले जनकपुरधामस्थित श्री कण्टिर झा माध्यमिक विद्यालय र जानकी माध्यमिक विद्यालयका विद्यार्थीहरू आएकाे परिवर्तनले अभिभावकहरू खुशी व्यक्त गरेका छन् ।
ती विद्यालयका विद्यार्थीहरूमा पढाईको गुणस्तरीयतासँगै दैनिक व्यवहार निकै सकारात्मक परिवर्तन आएको हाे ।
सामुदायिक सुधार केन्द्र (सीआईसी) द्वारा आयोजित सामाजिक लेखा परीक्षण तथा सार्वजनिक सुनुवाई कार्यक्रममा अभिभावकहरुले खुशी व्यक्त गर्दै भने पढाईसंग दैनिक व्यवहारसहित सरसफाईमा सकारात्मक परिवर्तन आएकाे बताए । सीआईसीद्वारा ती विद्यालयमा संचालित खानेपानी, सरसपफाई तथा स्वच्छता व्यवस्थापन कार्यक्रम अन्तर्गत अतिरिक्त क्रियाकलाप समेत गराउंदै आएको थियाे ।
वर्ल्ड शेयरको आर्थिक सहयोगमा सन् २०२४ मार्चदेखि संचालित दुई वर्षे परियोजना अन्तर्गत ती विद्यालयमा अतिरिक्त क्रियाकलापका साथै नर्सिंग व्यवस्थापन, छात्राहरुमा हुने महिनाबारी समस्या बारे सचेतना तथा शारिरीक हेरचाह बारे सिकाई गराउंदै आएको छ । सो कार्यक्रमका लागि सीआईसीद्वारा विद्यालयमा नर्सलाई काम गर्न स्वयंसेविकाको रुपमा नियुक्त गरेकाे थियाे ।
खासगरी परियोजना अन्तर्गत स्वच्छ खानेपानीका व्यवस्थापन, आधुनिक शौचालयको पुनर्निमाण र बहुउद्देश्य कोठा रिमोडलिंसहित पुनर्निमाण लगायतका कामहरु ती दुवै विद्यालयमा सिआईसीले गरेको छ ।
कार्यक्रमका प्रमुख अतिथिद्वय वडा नम्बर ९ का अध्यक्ष परमेश्वर साह र वडा नम्बर २५ का अध्यक्ष चन्देश्वर साहले सीआईसीद्वारा संचालित कार्यक्रमले विद्यालयको व्यवस्थापन, गुणस्तरीयता र विद्यार्थीहरुको आचारव्यवहार सकारात्मक परिवर्तन आएकाले अन्य विद्यालयहरुमा समेत यस्ता कार्यक्रमहरु संचालन हुनुपर्ने धारणा राखेका थिए ।
सीआइसीका अध्यक्ष सुविता यादवको अध्यक्षतमा सम्पन्न सो कार्यक्रममा जनकपुरधाम उपमहानगरपालिका सामाजिक शाखाका सुनिल झा, कण्टिर झा माध्यमिक विद्यालयका रामभद्र झा, जानकी माध्यमिक विद्यालयका प्रधानाध्यापक जगदीश साह लगायतका अभिभावक तथा सीआइसीका पदाधिकारीहरुको सहभागिता रहेको थियो ।
परियोजना अन्तर्गत वर्कशप, पानी आपूर्ति सुविधाहरुको पुननिर्माण, कार्यशाला र एमपीएसी गठन, व्यवस्थित शौचालय निर्माण र त्यसमा सेनेटरी प्याडको व्यवस्था, आधारभूत स्वास्थ्य शिक्षा कार्यक्रम अनुसन्धान र विकास टोली गठन तथा संचालन, आधारभूत स्वास्थ्य शिक्षा सामाग्रीको उत्पादन र वितरण लगायतका क्रियाकलाप गराइएकाे थियाे ।
दुईवर्षसम्म चल्ने सो कार्यक्रमको प्रभावकारिता बारे अनुगमन तथा निरिक्षणका पालिका नगरप्रमुखको अध्यक्षतामा परियोजना सल्लाहकार समिति गठन गरिएकाे थियाे ।
परियोजनाको प्रभावकारिता मूल्यांकनका लागि पब्लिक अडिट समय समयमा गराइदैं आएकाे परियोजनाका कोर्डिनेटर सतीश ठाकुरले बताएका छन । प्रशासनिक खर्च सहित परियोजनाको कूल बजेट एक करोड ६८ लाख ९३ हजार ७६० रहेकाेमा कूल खर्च एक करोड ६८ लाख ९५ हजार १२८० रहेको परियाेजना काेर्डिनेटर ठाकुरले बताएका छन् ।
यो विषयमा आफ्नो प्रतिक्रिया दिनुहोस् !