जनकपुरधाम, फागुन ३ गते । सर्लाहीको पूर्वाधार विकास कार्यालयमा कार्यरत सब इञ्जिनीयर प्रमोद यादवमाथि गोली हानी हत्या गरिएको छ ।
आइतबार साँझ करिब ८ बजे डेरामै रहेको अवस्थामा गोली हानी हत्या गरिएकोे जिल्ला प्रहरी कार्यालय सर्लाहीले जनाएको छ ।
मलंगलवा नगरपालिका १० अदालत नजिकै डेरा लिइ बस्दै आएका छन् । डेराको बरामदामै गोली उनीमाथि प्रहार गरिएको र गोली प्रहारबाट गम्भीर घाइते भएका सब इञ्जिनियर यादवको मलंगवास्थित प्रादेशिक अस्तापलमा उपचारको क्रममा राति ९ बजेर ३० मिनेटमा मृत्यु भएको जिप्रका सर्लाहीका प्रवक्तासमेत रहेका डिएसपी सरोज राईले जनाकारी दिएका छन् ।
यादव सिराहाको सुखीपुर निवासी हुन् । भाडाको घरमा बस्दै आएका सब इञ्जिनियर यादवलाई मोटरसाइकलमा आएका अपरिचित हतियारधारी समूहले गोली हानी हत्या गरेका छन् । यादवको बायाँ छातीमा मुटुको तल नजिकबाट गोली प्रहार भएको थियो ।
गोली प्रहारबाट घाइते यादवलाई उपचारको लागि प्रादेशिक असपताल मलंगवामा ल्याए उपचारको क्रममा मृत्यु भएको उपचारमा संलग्न चिकित्सकलाइ उदृत गर्दै डिएसपी राईले जानकारी दिएका छ्न ।
प्रमुख जिल्ला अधिकारी रामुराज कडरियाका अनुसार “बाहिरबाट कसैले काम छ भनेर बोलाएको र त्यसपछि गोली हानेको” प्रारम्भिक जानकारी प्राप्त भएको छ।
घटनाबारे थप अनुसन्धान भइरहेको सर्लाही प्रहरीले जनाएको छ। घटनाको कारण, संलग्न व्यक्तिको पहिचान तथा पक्राउबारे विस्तृत विवरण आउन बाँकी छ।
सुखिपुर नगरपालिका घरभएका सब इञ्जिनियर यादव करिब १ वर्ष देखि पूर्वाधार विकास कार्यालय मलंगवामा कार्यारत थिए । सब इञ्जिनियर यादवको दुई बर्षको छोरी रहेको छ ।
यो विषयमा आफ्नो प्रतिक्रिया दिनुहोस् !