जनकपुरधाम, मंसिर २ गते । मधेश प्रदेशका मुख्यमन्त्रीलाई काम गर्न देउ भनी विपक्षी ७ दलीय गठबन्धनकाे काउन्टरमा नेकपा एमाले पनि धर्नामा उत्रेका छन् ।
मुख्यमन्त्री सराेज यादवकाे नियुक्तीमा असन्तुष्टि जनाउंदै राेक लगाउने गरी विपक्षी ७ दलीय गठबन्धन कातिक २३ गतेदेखि ७ दलीय गठबन्धन धर्ना दिदैं आएका छन् । त्यसलाई काउण्टर दिने स्वरूप मुख्यमन्त्रीलाई काम गर्न देउ भनी एमालेले पनि जनकपुरधामकाे जनक चाेकमा मंगलवारदेखि धर्ना शरू गरेका छन् ।
विपक्षी गठबन्धनले संविधानको धारा १६८(३) बमाेजिम मुख्यमन्त्रीकाे नियुक्ति विपरीत भएको आरोप लगाउँदै यादवको पद खारेज गरी धारा १६८(२) बमोजिम नयाँ मुख्यमन्त्री नियुक्त गर्न माग गर्दै आएका छन्।
एमाले कार्यकर्ताहरूले धर्नामा प्रदेश सरकार काम गर्न देउ, असंवैधानिक क्रियाकलाप बन्द गर सहितका चर्को नाराबाजी गर्दै बिहान १०:३० बजेखि धर्नामा बसेका छन् ।
धर्नामा बसेका एमाले महाेतरीका अध्यक्ष बलिराम यादवले भने जब सर्वाेच्च अदालतले एक रिटमा मुख्यमन्त्रीमा सराेज यादवलाई कायम गरिसकेकाे अर्काे रिट सुनुवाईकाे क्रममा रहेकाे बेला विपक्षी ७ दलीय गठबन्धनकाे धर्ना दिने कुनै तुक नरहेकाे भन्दै मन्त्रालयहरूमा तालाबन्दी र धर्ना दिई गैर संवैधानिक कार्य गरिरहेकाे आराेप लगाए ।
उनले प्रदेशमा ७ दलीय गठबन्धनकाे निरन्तर अवरोध र राजनीतिक विवादका कारण विकास निर्माण तथा जनताकाे सेवा प्रवाहमा ठूलो बाधा परिरहेकाे गुनासाे गरे ।
मुख्यमन्त्री नियुक्ति प्रक्रिया विवादास्पद रहेको र गैर लाेकतान्त्रिक ढंगले शपथ गराइएको भन्दै नेपाली कांग्रेस, जनता समाजवादी पार्टी (जसपा) नेपाल, लोकतान्त्रिक समाजवादी पार्टी (लोसपा) नेपाल, जनमत पार्टी, नेकपा माओवादी केन्द्र, नेकपा एस र नागरिक उन्मुक्ति पार्टी उनलाई बर्खास्तग गरी संविधानको धारा १६८ (२) नयाँ मुख्यमन्त्रीको माग गर्दै आन्दोलनमा छन् ।
सर्वाेच्च अदालतले आज ७ दलीय गठबन्धनले दायर गरेकाे रिटमा सुनुवाई गर्दैछन् । आइतवार अन्तरिम आदेश दिने भनिए पनि गत दुई दिनदेखि पेशी सारिदै आएकाे छ ।
यो विषयमा आफ्नो प्रतिक्रिया दिनुहोस् !