जनकपुरधाम, कात्तिक २७ गते । मधेश प्रदेशसभा सचिवालयले पाँच जना प्रदेशसभा सदस्यहरूलाई पदमुक्त गरेको छ ।
बिहीवार एक सूचना जारी गरी प्रदेश सभा सचिवालयले संविधानको धारा १८२(६) बमोजिम प्रदेशसभा बैठकमा लगातार १० पटक अनुपस्थित रहेका सदस्यहरू पदमुक्त गरिएको सचिवालयले जनाएको हो ।
प्रदेशसभाका सचिव वासुप्रसाद कोइरालाद्वारा हस्ताक्षरित सो सूचना २०८२ कात्तिक २७ गतेदेखि ती सदस्यहरूको पद रिक्त भएको हो । सचिवालयले प्रदेश सभा कार्य सञ्चालन नियमावली, २०७४ को नियम १८५ बमोजिम सूचना जारी गर्दै पद रिक्तबारे सम्बन्धित सबै निकायलाई जानकारी गराएको भनिएको छ ।
पदमुक्त हुने सदस्यहरूमा नागरिक उन्मुक्ति पार्टीबाट सर्लाहीका उर्मिला देवी सिंह, जसपा नेपालकाबाट सप्तरीका मनीष कुमार सुमन, सर्लाही ३ (२) का सञ्जय कुमार यादव, सर्लाही ४ (२) का सिंहासन सा कलवार र बारा २ (१) का सारदा शंकर प्रसाद कलवार रहेका छन् ।
सिंह र समुन समानुपातिकबाट चयन भएका सदस्य हुन । सभामुख रामचन्द्र मण्डलविरुद्ध आचरण विपरित कार्य गरेको भनी प्रस्ताव दर्ता गराएको निहुँमा भएको विवादपछि सभामुख मण्डलको निर्देशनमा तिनीहरुलाई सचिवलाई कोइरालालाई दबाव दिए पदमुक्त गराएका छन् ।
लगातार अनुपस्थितिका कारण पद रिक्त घोषणा भएका यी सदस्यहरूको सट्टा अब रिक्त स्थानमा नयाँ प्रतिनिधि चयन प्रक्रिया अघि बढ्ने अनुमान गरिएको छ । समानुपातिक सांसदको सट्टा पार्टीले नयाँ नाम दिनेछ भने प्रत्यक्षतर्फ निर्वाचित सांसदको हकमा सो क्षेत्रमा निर्वाचनबाट नियुक्त गर्ने प्रक्रिया रहेको छ ।
यो विषयमा आफ्नो प्रतिक्रिया दिनुहोस् !