जनकपुरधाम, असाेज १० गते । दशैंको अवसरमा जनकपुरधामको प्रसिद्ध राजदेवी मन्दिर प्रांगणमा आयाेजित रमाइलाे मेलामा लगाइएकाे झुला भाँचिँदा त्यसमा फंसेका व्यक्तिहरूलाई सकुशल उद्धार गरिएकाे छ ।
दुर्घटनाकाे करीब ५ घण्टापछि धेरै मृहनत पश्चात् नेपाली सेनाकाे टाेलीद्वारा त्यसमा फंसेका ५६ जनाकाे सकुशल उद्धार गरिएकाे छ ।
शुक्रबार साँझ मेलामा सहभागी धेरै मानिस झुलामा चढेका बेला झुला अचानक बीचबाटै भाँचिएको थियो । झुला भाँचिएपछि त्यसमा चढेका महिला २० र पुरुष ३६ सहित कूल ५६ जना फसेका थिए ।
नेपाली सेनाको विशेष टोलीले बारुण यन्त्र र क्रेनको सहयोगमा करिव ५ घण्टापछि सबैको सकुशल उद्धार गरेको हो । ‘क्रेनको सहायताले मानिसहरूलाई सुरक्षित रूपमा झारिएकाे,’ उद्धारमा संलग्न एक सेना अधिकारीले भने ।
ओभर लाेडिङ्गका कारण चल्ने क्रममा त्यसमा किल्लीकाे रूपमा लगाइएका फलामृ रड भांचिएर दुर्घटना भएकाे प्रत्यक्षदर्शीहरूले बताएका छन् ।
स्थानियवासीहरूले, ‘सर्वसाधारणको ज्यानसँग खेलवाड हुने खालका उपकरणको प्राविधिक परीक्षण अनिवार्य गर्नुपर्छ, यसपटकको घटना ठूलो दुर्घटनाबाट जोगिनु राहतको कुरा हो’ भनेका छन्।
घटना नियन्त्रणमा आएपछि स्थानीय प्रशासनले मेलामा प्रयोग भइरहेका अन्य झुला तथा मनोरञ्जन सामग्रीको तत्काल सुरक्षा समीक्षा गरि संचालन गर्न दिने जनाएको छ ।
यो विषयमा आफ्नो प्रतिक्रिया दिनुहोस् !