जनकपुरधाम, ३१ भदौ । हिन्दु बाहुल्य राष्ट्र नेपाललाई सनातन हिन्दु राष्ट्र कायम गर्न साधु सन्त समाजहरूले माग गरेका छन् ।
मंगलबार हिन्दु धर्मसंग आबद्ध संघ संगठनहरूकाे संस्था सनातन हिन्दू समाज नेपालद्वारा आयाेजित रैलीमा उपस्थित साधु सन्तहरूले यस्ताे माग गरेका हुन । उनीहरूले जेन-जी आन्दाेलनकाे बलमा देशकाे बदलिदाे परिस्थितिमा राष्ट्रलाई सनातन हिन्दु राष्ट्र कायम गर्नुपर्ने माग गरे ।
उनले नेपाल सनातन हिन्दु राष्ट्रको पहिचानमै टेकेर बाँचिरहेको उल्लेख गर्दै अहिलेको अन्तरिम सरकार र युवा पुस्ताले लोकतान्त्रिक व्यवस्थाभित्रै रहेर हिन्दु राष्ट्र कायम गर्नुपर्नेमा जोड दिदै मुलुकमा स्थायी शान्ति र अमन–चयनको लागि सनातन हिन्दु राष्ट्र अपरिहार्य रहेकाे भने ।
रैलीमा जानकी मन्दिरका उतराधिकारी महन्थ रामराेशन दास वैय्णवले भने, ‘जृनजीकाे आन्दाेलनले देशमा ठुलाे परिवर्तन आएकाे छ । देश र समाज सुधारको आशामा ज्यान आहुति दिएका युवापुस्ता हाम्रो लागि प्रेरणाको स्रोत हुन् । राज्यले तिनको बलिदानलाई न्याय दिनुपर्छ ।’
साथै उनले आन्दोलनको क्रममा सार्वजनिक सम्पदा, धार्मिक स्थल र ऐतिहासिक संरचनामा भएको क्षतिलाई गम्भीर अपराधको रुपमा व्याख्या गर्दै दोषीको पहिचान गरी कडा कारवाहीको माग पनि गरेका छन् । दासले भने, ‘सम्पदा हाम्रो संस्कृति र अस्मिताको परिचायक हुन् । तिनलाई नष्ट गर्नेहरूमाथि कडाभन्दा कडा कदम चाल्नुपर्छ ।’
त्यसैगरी, साधुसन्त समाजले वर्तमान व्यवस्थामा सुशासनको गम्भीर कमी रहेको भन्दै भ्रष्ट्राचार नियन्त्रणलाई राष्ट्रिय अभियानको रूपमा अघि बढाउन सरकारलाई सुझाव समेत दिए ।
यो विषयमा आफ्नो प्रतिक्रिया दिनुहोस् !