जनकपुरधाम, भदौ २९ गते । भदौ २४ गते जेन-जी आन्दाेलनकाे क्रममा अख्तियार दुरुपयोग अनुसन्धान आयोग तथा यसका कार्यालयहरूमा तोडफोड, आगजनी र चोरीका घटना भएका छन् ।
आन्दाेलनकाे क्रममा केन्द्रीय कार्यालयसहित इटहरी, हेटौंडा, पोखरा, बुटवललगायत शाखा कार्यालयमासो विभिन्न सवारी साधन (चारपाङ्ग्रे तथा दुईपाङ्ग्रे), टेलिभिजन, कम्प्युटर सेट, माइक्रोफोन, साउन्ड सिस्टमका स्पिकर, स्क्यानर, क्यामेरा, प्रिन्टर, ल्यापटप, हिटर, पंखा लगायतका सामान चोरी तथा हराएको आयोगले जनाएको छ ।
आयोगले चोरी भएका सामग्रीहरूमध्ये केही व्यक्ति वा समूहले आफ्नो कब्जामा राखेको हुनसक्ने भन्दै र्फिता गर्न आग्रह गर्दै सीसीटीभी फुटेजमार्फत पहिचान भएमा कारवाही गर्ने चेतावनी दिएको छ।
यदि कसैसंग आयोग वा यसको मातहतका कार्यालयहरूबाट लुटिएको वा चोरी भएको सामान परेको खण्डमा, ती सामानहरू अख्तियार दुरुपयोग अनुसन्धान आयोग, टंगाल, काठमाडौं वा नजिकैको प्रहरी वृत्तमा तत्काल बुझाइदिन आयोगले आग्रह गरेको छ।
आयोगले यसलाई कानुनी जिम्मेवारी मात्र नभई सामाजिक दायित्वको रूपमा समेत लिने आह्वान गरेको छ। चोरी वा हराएका सामान नबुझाएमा कानूनी कारबाही हुने चेतावनीसमेत दिएको छ।
यो विषयमा आफ्नो प्रतिक्रिया दिनुहोस् !