जनकपुरधाम, भदाै २९ गते । प्रधानमन्त्री सुशीला कार्की नेतृत्वको अन्तरिम सरकारमा सहभागी हुने तीन जना मन्त्रीको नाम टुंगो लागेको छ ।
प्रधानमन्त्री निवास बालुवाटार स्रोतका अनुसार गृहमन्त्रालयमा ओमप्रकाश अर्याल, अर्थ मन्त्रालयमा रामेश्वर खनाल र ऊर्जा मन्त्रालयमा कुलमान घिसिङको नाम टुंगो लागेको छ ।
अर्यालले कानुन मन्त्रालयको समेत जिम्मेवारी पाउने भएका छन् । घिसिङलाई ऊर्जाका अलवा भौतिक पूर्वाधार तथा यातायात र शहरी विकास मन्त्रालयको जिम्मेवारी पनि दिइएको छ ।
यो प्रारम्भिक सूची हो । उनीहरूले पाउने मन्त्रालयको जिम्मेवारी थपिन सक्छ,’ स्रोतले भन्यो ‘उहाँहरूको पत्र बनिसकेको छ ।’
उनीहरूको शपथ ग्रहण भने भोलि हुने बताइएको छ । ‘भोलि बिहान शपथ हुन्छ,’ स्रोतले भन्यो ।
खनालले हालै मात्रै उच्चस्तरीय आर्थिक सुधार सुझाव आयोगको अध्यक्षका रुपमा आर्थिक सुधार सम्बन्धी प्रतिवेदन सरकारलाई बुझाएका छन् । उनी पूर्वसचिव पनि हुन् ।
अर्याल कानुन व्यवसायी हुन् । यसअघि विभिन्न रिट निवेदन र सामाजिक आन्दोलनका कारण उनी चर्चामा थिए । पछिल्लो समय भने उनी काठमाडौं महानगरपालिकाका मेयर बालेन्द्र शाह (बालेन) को कानुनी सल्लाहकार बनेर काम गरेका थिए ।
तर उनीमाथि राष्ट्रिय जनावर गाई काट्नै पर्छ भन्ने मांगसहित सर्वाेच्चमा अधिवक्ता आफ्ना एक एनजीओ मार्फत रिट हालेकाे भन्ने आराेप लाग्दै आएकाे छ । गाई काट्न पाउनुपरने रिट सर्वाेच्चमा आर्यालले दिएकाे भन्ने दाबी प्रमाणसहित अधिवक्ता स्वागत नेपालले सामाजिक सञ्जालमा गरेका छन् । हुरीसेक नामक एनजीँ मार्अफत दिएकाे रिट हिले निकै भाइरल भइरहेकाे छ । नेपाल कानुन पत्रिकामा प्रकाशित निर्णय अंश :
घिसिङ नेपाल विद्युत् प्राधिकरणका निवर्तमान कार्यकारी निर्देशक हुन् । उनी केपी शर्मा ओली नेतृत्वको सरकार हुँदा बर्खास्तीमा परेका थिए ।
यो विषयमा आफ्नो प्रतिक्रिया दिनुहोस् !