जनकपुरधाम, भदाै १ गते । राष्ट्रिय किशोर संजाल नेपालको केन्द्रिय कार्य समितिमा धनुषाको शहिदनगर नगरपालिका ८ बिसरभोरा १७ बर्षीय राजन दास मनोनीत भएको छ ।
लैङ्गिक हिंसा अन्त गर्न तथा लैङ्गिक समानता कायम गर्न पुरुष सहभागीता जरुरी छ त्यसै उदेश्यका साथ २०७८ साल साउन १४ गते “बालबालिकामा लगानी : सुनिश्चित भविष्यको थालनी”मुल नारा तथा “बालबालिका राष्ट्रिय गौरव हुन ” भन्ने साथ स्थापना भएको हो ।
यो संजाल सिविन नेपालद्वारा संचालित साे संस्थामा किशोरहरूको गुनासो तथा उसको मनमा खेलेका सकारात्मक तथा नकारात्मक पक्षलाई समेटेर बालबालिकाहरुको आवाज सरकार सम्म पुग्योस सिद्धान्तले संजालको निर्माण गरिएको हो ।
राष्ट्रिय किशोर संजालले किशोरकिशोरीहरूलाई विभिन्न मुद्दाहरूमा संलग्न गराउन विभिन्न कार्यशाला, प्रशिक्षण कार्यक्रम, अन्तरक्रियात्मक सत्रहरू र वकालत अभियानहरू सञ्चालन गरेको छ, जसमा समावेश छन्: – लैङ्गिक हिंसा, जलवायु न्याय, यौन तथा प्रजनन अधिकार र अनलाइन सुरक्षामा सरकारी र गैरसरकारी संस्थाहरूसँगको सहकार्य मार्फत कार्य गर्नेछ ।
राष्ट्रिय किशोर संजाल नेपालको काठमाडौंंको गोदावरीमा सम्पन्न तीन दिने राष्ट्रिय भेला २०८२ ( साउन २६-२८) बाट २३ सदस्यीय नयां कार्य समिति चयन गरिएकाे हाे ।
देशभरका युवाहरूलाई आफ्ना चासोहरू व्यक्त गर्न, आफ्ना अधिकारहरूको वकालत गर्न र नीति र विकास एजेन्डाहरूमा राष्ट्रिय छलफलमा अर्थपूर्ण योगदान दिन प्लेटफर्म उपलब्ध गराउन नेपालका सातै प्रदेशहरूमा प्रादेशिक किशोर सञ्जालहरू स्थापना गरिएको छ ।
उक्त कार्यक्रममा राष्ट्रिय किशोर संजाल नेपालको अध्यक्ष युवराज चापागाईं , पुर्व अध्यक्ष घनश्याम विस्वकर्मा , विकास मामिला तथा सुशासन समिति राष्ट्रिय सभाका सभापती कमला देवी पन्त , राष्ट्रिय मानव अधिकार आयोगका अध्यक्ष माननीय तप बहादुर मगर , राष्ट्रिय बाल अधिकार परिषदकी सदस्य सचिव ईन्द्रा देवी दकाल लगायतका व्यक्तिहरूकाे उपस्थिति रहेकाे थियाे ।
यो विषयमा आफ्नो प्रतिक्रिया दिनुहोस् !