जनकपुरधाम,साउन २५ गते । नेपाल रेलवेको लापरवाही कारण आज फेरी एक दुर्घटना भएको छ । आइतवार बिहान जनकपुरधामस्थित थापाचोक नजिक प्रदेश प्रहरी कार्यालय जाने बाटोमा आज बिहान रेलगाडीले एक ट्रकलाई ठक्कर हानेका छन् ।
रेल्वे लिक क्रस गर्ने क्रममा फंसेका कारलाई रेलले ठक्कार हानेको हो । रेलवे विभागको लापरवाहीका कारण लिंकमा दिनहुँ सवारीहरु फंस्ने गरेका छन् । सामान्य दुर्घटना हुँदै आएको यो ठूलो दुर्घटना हुँदाहुँदै मानवीय क्षति नभएर जोगिएको हो ।
जिल्ला प्रहरी कार्यालय धनुषाका प्रवक्ता डिएसपी बरुण सिंहका अनुसार, बिहान करिब ८ः४५ बजे कुर्थाबाट जनकपुरधामतर्फ गइरहेको १७८३१५ नम्बरको रेलले लिक पार गर्न नसकी लिकमै अडिएका बागमती प्रदेश ०१–२५ च १२९० नम्बरको कार रेलसँग ठोक्किएको हो ।
प्रहरीका अनुसार थापाचोकतर्फबाट गुडिरहेको कार रेलवे लाइनको लिकमा अड्किएको थियो । त्यही बेला कुर्थातर्फबाट जनकपुरधाम रेलवे स्टेशनतर्फ आउँदै गरेको रेलगाडीले कारलाई ठक्कर दिँदै करिब २०–२५ मिटरसम्म घिसार्यो । रेलगाडीको अगाडिको भागले चालक बस्ने साइडलाई च्यापेपछि केही समय चालक मृत्युलाई पर्खिरहेको जस्तो अवस्था बनेको प्रत्यक्षदर्शीले बताएका छन् ।
ब्रेक लगाएर रेल रोकिएपछि थोरै ब्याक गरिएपछि चालकले ढोका खोलेर टाउको समाउँदै अस्पतालतर्फ दौडेका थिए । कारमा तीन जना सवार रहेको र तीमध्ये एक जना जनकपुरको हिरा अस्पतालमा कार्यरत चिकित्सक रहेको जिल्ला ट्राफिक प्रहरीले जनाएको छ । कारमा व्यापक क्षति भए पनि तीनै जना सकुशल रहेको प्रहरीले पुष्टि गरेको छ ।
सोही बेला पश्चिमबाट पूर्वतर्फ आउँदै गरेको ठक्कर थियो । दुर्घटनामा कार चालक धनुषाको लक्ष्मिनिया गाउँपालिका–६ निकाल बस्ने शिवसागर यादवको छोरा अन्दाजी २२ वर्षीय ललित यादव सामान्य घाइते भएका छन् । उनको हिरा अस्पताल जनकपुरमा उपचार भइरहेको र अवस्था सामान्य रहेको प्रहरीले जनाएको छ ।
यो विषयमा आफ्नो प्रतिक्रिया दिनुहोस् !