जनकपुरधाम, साउन १७ गते । मधेशमा सिचाइ तथा खानेपानीको दिगो समाधान रहेकाे सुनकोशी मरिन डाइभर्सन निर्माणमा भइरहेकाे ढिलाईप्रति मधेश प्रदेश सरकारले चासाे देखाएका छन् ।
के कति कारणले ढिलाइ भइरहेकाे बारे प्रदेश सरकारका मुख्यमन्त्री सतिश सिंहसँगै ऊर्जा, सिचाइ तथा खानेपानी मन्त्री शेषनारायण यादव, भौतिक पूर्वाधार विकास मन्त्री सरोज यादवसहितका टाेलीले शनिवार स्थलगत निरीक्षण गरेक छन्।
निरिक्षणकाे क्रममा आयाेजनाका प्रमुख अच्चुतराज गाैतमले आयाेजनाकाे हालसम्मकाे प्रगति विवरण र के कति कारणले ढिलाई भइरहृेकाे बारे निरिक्षण टाेलीलाई जानकारी गराएका थिए ।
मुख्यमन्त्री सिंहले आयोजनाको प्रगति र अवरोधबारे जानकारी लिँदै निर्माण व्यवसायी कम्पनीलाई निर्धारित समयमै काम सम्पन्न गर्न कडा निर्देशन दिएका छन् ।
उनले अहिले मधेश पानी आभावमा सुख्खाग्रस्त क्षेत्र बनेकाे यस्ताे अवस्थामा आयोजनामा ढिलाइ हुनु दुःखद विषय भएको भन्दै निर्माण कार्यमा तीव्रता ल्याउन जोड दिए ।
ऊर्जा, सिचाइ तथा खानेपानी मन्त्री यादवले आयोजना मधेश प्रदेशका लागि अत्यन्त महत्वपूर्ण रहेको भन्दै निर्माण कार्य ढिलाइले आउंदाे दिनमा झन समस्या उत्पन्न हुने चांडाे भन्दा चांडाे ताेकिएकाे समयमा सम्पन्न गर्न निर्देशन दिए ।
ऊर्जा मन्त्री यादवले आयोजना प्रदेशका लाखौँ कृषकको भविष्यसँग जोडिएको भएकाले समयमै र गुणस्तरीय रूपमा सम्पन्न गर्नुपर्नेमा जोड दिए ।
साे अवसरमा मन्त्री सरोज यादवले आयोजनाका कार्यसम्पादनका पक्षहरू अवलोकन गर्दै निर्माण गुणस्तरमा कुनै सम्झौता नगर्न निर्माण कम्पनीलाई चेतावनी दिए ।
साे निरिक्षण टाेलीमा प्रदेश सरकारका मुख्य सचिव मदन भुजेल र उर्जा, सिचाई तथा खानेपानी मन्त्रालयका निमित सचिव रामकुमार खंगसहित कर्मचारी तथा पत्रकारहरूकाे सहभागिता रहेकाे थियाे ।
निरीक्षण टोलीका अनुसार, सुरूङ निर्माणकाे कार्य निर्माण कम्पनी चाईना ओभरसिज इन्जिनियरिङ्ग ग्रुपले समय अगावै सम्पन्न गरिसकेका छन् । तर ठेक्का कम्पनी पटेल रमण जेभी कन्सट्रक्सनका कारण ढिलाई भइरहेकाे छ । साे कन्सट्रक्सन कम्पनी ठेक्का सम्झाैताकाे आधी समय पार गरिसक्दा पनि १० प्रतिशत काम मात्रै सम्पन्न गरेकाे हाे ।
रमण जेभी कन्सट्रक्सनका नवीन चाैधरीले निरन्तर वर्षा र माटाेका कारण ढिलाई भइरहेकाे जानकारी गराएका थिए । उनले स्थानीय समुदायहरुको विभिन्न मागहरु, जग्गासँग सम्बन्धित गुनासाहरु, सामाजिक राजनितिक कारणहरुले गर्दा निर्माण कार्य बन्द पहिला भएको तर अब बरसातपछि काममा तिव्रता दिने बताए ।
करीब ५० अर्ब लागतमा निर्माण हुने भनिएकाे साे आयाेजनाकाे हालसम्मकाे उपलब्ध कुल बजेट रू. १९ अर्ब ३३ कराेड ५१ लाखमा रु १६ अर्ब ५० कराेड २७ लाखमा खर्छ भइसकेकाे छ तर कार्य प्रगति विवरण मात्र ३६.८३% रहेकाे जानकारी गराइएकाे छ ।
यो विषयमा आफ्नो प्रतिक्रिया दिनुहोस् !