जनकपुरधाम, साउन ९ गते । वर्षे पानीको आभावमा खडेरी परेका मधेश प्रदेशमा ५ सयवटा डीप बोरिङ जडान गर्ने प्रधानमन्त्री केपी शर्मा ओलीले प्रतिबद्धता जनाएका छन् ।
महोत्तरीको मटिहानी नगरपालिका ६ मा नवनिर्मित प्रसूतिगृहको उद्घाटन कार्यक्रमलाई सम्बोधन गर्दै मधेश प्रदेशका आठ वटै जिल्लामा सिँचाइको व्यवस्थासहित खानेपानीको समस्या छिटो समाधान गर्ने योजना सरकारको रहेकाले चाँडै नै ५ सयवटा डिप बोर्डिग जडान गरिने बताए ।
उनले भने, ‘मन्त्रिपरिषद्को बैठकबाट मधेसलाई पानीको अभावको सुख्खाग्रस्त, संकटग्रस्त क्षेत्र घोषणा गरेका छौँ। यहाँ संकटग्रस्त क्षेत्र घोषणा गरेर मात्रै केही हुँदैन। यस क्षेत्रमा दीर्घकालीन र तत्कालीन दुइटा उपायहरू अवलम्बन गर्नेछौँ। चुरेमा पानीका ताललतैया, पोखरी बनाउने जसबाट रिचार्ज सिस्टममा जमिनको सतहको पानी तल नजाने कुराको लागि अनुकूल वातावरणतर्फ फर्काउने काम गर्छौ ।’
उनले तत्कालका लागि आवश्यक काम सरकारले अघि बढाउने भन्दै सबै सरकारी अङ्ग गैरसरकारी सङ्घ संस्थाहरूलाई समेत सहयोगका लागि अपिल गरे।
यो विषयमा आफ्नो प्रतिक्रिया दिनुहोस् !