जनकपुरधाम, साउन ६ गते । धनुषाको हँसपुर नगरपालिका–६ सोनिगामाका शम्भु साहले १६ वर्षीय छोरा आयुष साहको मृत्यु प्रकरण बारे आरोपित जनकपुरधामस्थित न्युरो हस्पिटल एण्ड रिसर्च सेन्टरले ती घटनामा हस्पिटलमाथि लगाइएको आरोप निराधार रहेको दाबी गर्दै हस्पिटललाई बदनाम गर्न अफवाह फैलाइएको बताएका छन् ।
केही दिनदेखि सामाजिक सञ्जालमा आयुषका पिता शम्भुले न्यूरो अस्पतालले ४५ लाख रुपैया लिएर छोराको ज्यान मारेको, त्यसमा उपचार गराउन नजानु भन्ने भिडियो हालेका थिए । ती भिडियोमा सामाजिक सञ्जालमा निकै भाइरल भएपछि सो अस्पतालले मंगलवार एक पत्रकार सम्मेलन गरी आफ्नो अस्पतालमाथि लगाइको आरोप निराधार रहेको बरु आफूले उनलाई सहयोग नै गरेको भन्ने स्पष्टीकरण मंगलवार एक पत्रकार सम्मेलन गरी दिएका छन् ।
न्यूरो हस्पीटलका प्रशासन प्रमुख संजय मण्डलले पत्रकार सम्मेलनमा भने आयुषका पिता शम्भुले अस्पताललाई ४५ लाख रुपैया तिरेको भन्ने आरोप निराधार हो । अस्पतालको रेकर्ड देखाउंदै भने उनको उपचार खर्च १४ लाखको हाराहारीमा रहेको छ । जसमध्ये ३ लाख २० हजार रुपैया नगद बुझाएको हो भन्ने एक सालमा भुक्तानी गर्ने गरी चैत १२ गतेको मिति राखि ५ लाख ९२ हजार रुपैयाको चेक बुझाएका छन् । अहिलेसम्म आफूहरुले त्यति मात्रै पाएको हो ।
पत्रकारहरुले बांकी रुपैया नदिइकनै रेफर गर्नुभयो भन्ने गरेको प्रश्नमा मण्डलले भने आफूहरुले रेफर गरेको होइन, बिरामी परिवारलाई उपचारमा सन्तुष्टि नभएपछि उनी आफै काठमाडौको ट्रमा सेन्टरमा गएको हो । जाने बेलामा बांकी रहेका उनको आर्थिक अवस्था हेरेर अस्पतालले छुट गरिदिएको थियो । जहाँसम्म आयुषको मृत्युको कुरा हो । उनको मृत्यु आफ्नो अस्पतालमा नभई अन्तै भएको हो । कहाँ भयो भन्ने कुरा आफूहरुलाई थाहा छैन ।
यता शम्भुका अनुसार, आयुष गत वर्ष माघ १९ गते सडक दुर्घटनामा परेर गम्भीर घाइते भएका थिए । त्यसै दिन उनलाई जनकपुरधामको न्युरो अस्पतालमा भर्ना गरिए पनि आवश्यक समयमा उपचार नपाएको र चिकित्सकको गम्भीर लापरवाहीका कारण छोराको ज्यान गएको उनले दाबी गर्दै आएका छन् ।
अस्पतालका सञ्चालक विजय राउतले मङ्गलबार पत्रकार सम्मेलन गर्दै आयुषको अवस्था अस्पतालमा ल्याउँदाको समयमै अत्यन्त गम्भीर (क्रिटिकल) रहेको स्पष्ट पारे । ‘सिटी स्क्यानसहितका प्रारम्भिक रिपोर्टहरूले नै देखाएको थियो कि उनको अवस्था अन्तिम चरणमा थियो । यो जानकारी तत्कालै उनका अभिभावकलाई दिइएको थियो,सञ्चालक राउतले भने । आयुषको अभिभावकले फागुन २६ गते उनलाई थप उपचारका लागि काठमाडौंको ट्रमा सेन्टर लगेका थिए ।
उनले भने उपचारमा चिकित्सकले कुनै लापरवाही गरेको छैन । न्यूरो सम्बन्धी उपचार विश्वमै एउटै विधि हो, चाहे त्यो जनकपुरधाममा होस वा अमेरिकामा । हामीले बिरामीलाई मार्न होइन बचाउन हस्पीटल खोलेका हौं । नेपालमै सबैभन्दा सस्तो र सुलभ दरमा राम्रो उपचार दिइरहेका छौं । हाम्रो अस्पतलमा अहिलेसम्म ९७.२ प्रतिशतलाई बचाएका नै छौं ।
तर आफ्नो हातमा प्राण नभएको कारण २.८ प्रतिशत मात्र मृत्यु दर रहेको डा. राउते भने । आयुषको परिवारले न्यूरोले मारेको आरोप निराधार हो । किनकी उनको मृत्यु आफ्नो अस्पतालमा नभई अन्तै भएको हो ।
यो विषयमा आफ्नो प्रतिक्रिया दिनुहोस् !