मधेशको विकास र समृद्धिमा अग्रदूत बन्दै नेता यादव

जनकपुरधाम, साउन १ गते । नेपाली कांग्रेस मधेश प्रदेशका सभापति एवं संसदीय दलका नेता कृष्ण यादव प्रदेशमा विकास र समृद्धिको अग्रदूतका रूपमा स्थापित हुँदै गएका छन् ।

दलीय नेताको रुपमा उनले मधेश सरकारप्रति देखाएको सक्रियताका कारण गत आर्थिक वर्षमा मधेश प्रदेश सरकारले इतिहासमै सबैभन्दा बढी ७१.४८ प्रतिशत बजेट खर्च गर्न सफल भएको छ । यसअघिसम्म मधेश सरकारले बढीमा ६० प्रतिशतसम्म बजेट मात्र खर्च गर्ने गरेको थियो ।

उनले मधेश सरकारमा सक्रियता देखाएपछि सबभन्दा बढी अर्थमन्त्रालयले करीब ८३ प्रतिशत र ऊर्जा, सिचाई तथा खानेपानी मन्त्रालयले ७५ प्रतिशत बजेट खर्च गर्न सफल भएको छ । कृषि प्रधान प्रदेश भएकाले किसानहरुको खेतमा सिचाई तथा जलश्रोतका लागि आफै सक्रिय भई ७५ प्रतिशतसम्म बजेट खर्च गराउन सफल भएका हुन ।

जनता र पार्टीका लागि अग्रदूतको रुपमा रहेका नेता यादवले चालु आर्थिक वर्षका लागि बजेट विभिन्न वाधा अवरोधका बावजूद बहुमतले बजेट पारित गराउन सफल भएका हुन् । उनले आफ्नै नेतृत्वमा प्रदेशमा महत्वपूर्ण योजनाहरू अगाडि बढ्दै गएका छन्, जसले जनता पार्टीको विकासमुखी प्रतिबद्धतालाई मूर्तरूप दिन थालेको देखिन्छ ।

प्रदेश सरकारमा सहभागी नेपाली कांग्रेसले चार मन्त्रालयको जिम्मेवारी सम्हालिरहेको वर्तमान अवस्थामा पनि पार्टीले नीति, कार्यक्रम र बजेट निर्माणमा उल्लेखनीय पहलकदमी लिएको छ । सभापति यादवको सक्रियतामा सिचाई, खानेपानी, कृषि, श्रम तथा यातायातमा थुप्रै विकास योजनाहरू समेटिएको छ । जसले प्रदेश र जनताका लागि विकासका महत्वपूर्ण भूमिका निर्वाह गर्नेछ ।

प्रदेश सरकारको बजेटमा आम नागरिकका समस्या सम्बोधन हुने गरी योजनाहरू समावेश गर्न सभापति यादवले निरन्तर पहल गरिरहेका छन् । योजना निर्माणदेखि कार्यान्वयनसम्म पारदर्शिता र जनताप्रति उत्तरदायित्वको भावना जागृत गर्न उनले विशेष निगरानी गर्दै आएका छन् ।

यसअघि सभापति यादव भौतिक पूर्वाधार विकास मन्त्री भएको बेला प्रदेशका ग्रामीण तथा शहरी क्षेत्रहरूमा पूर्वाधार विकासका थुप्रै योजनाहरू संचालन गरेका थिए । प्रदेशलाई नमूना विकास मोडेलको रूपमा अगाडि बढाउन उनले आफ्नो कार्यकालमा सानादेखि गौरवको आयोजनासम्मका योजनाहरु संचालनमा ल्याएका थिए । जसले आधारभूत पूर्वाधारको विस्तारसँगै सामाजिक विकासमा पनि योगदान पु¥याउन धेरै हदसम्म काम गरेको छ ।

नेतृत्वका सम्बन्धमा उनलाई घेराबन्दी गर्न विकासका अवरोधक केही तत्वहरुले पार्टी भित्र आन्तरिक टिप्पणी गर्नबाट चुकेका छैनन् । तर उनले ती टिप्पणीहरूलाई सकारात्मक रूपमा लिँदै पार्टीलाई एकताबद्ध राख्न संवाद र सहकार्यमा जोड दिंदै आएका छन् । पार्टीलाई सुदृढ बनाउने अभियानमा उनले सबै तहका नेताहरू र कार्यकर्ताहरूसँग समन्वय गर्दै अगाडि बढिरहेको पार्टी सम्बद्ध नेताहरु बताउंछन् ।

पार्टीभित्र नीति तथा बजेट निर्माणमा समावेशीताको भावना थप सुदृढ बनाउने र सांसदहरूको रायलाई अझ प्रभावकारी ढंगले समेट्ने कार्यमा पनि सभापति यादव केन्द्रित छन् । कांग्रेसले सरकारमा रहँदा देखाएको कार्यक्षमता र नेतृत्वको सामथ्र्यलाई जनतामाझ राख्दै विकासका कार्यहरु बढाउंदै आएको नेता यादवले बताए ।

विकासलाई निरन्तरता दिन र संगठनलाई मजबुत बनाउन अहिलेको नेतृत्वप्रति विश्वास कायम राख्नुपर्ने पार्टीभित्रका अधिकांश नेताहरु धारणा रहेको छ । नेता यादवको नेतृत्वमा अगाडि बढेको विकास र समृद्धिको यो अभियानले आगामी दिनमा पार्टीलाई जनताको विश्वासको केन्द्र बनाउन सक्ने सम्भावना बोकेको पार्टीका प्रदेश सांसदहरुको भनाई छ ।