जनकपुरधाम, असार ३२ गते । मधेश प्रदेशका ऊर्जा, सिचाई तथा खानेपानी मन्त्रालयले निर्माण सामाग्री प्रयोगशाला र प्रशासनिक कार्यका लागि गैर आवासीय भवन आभाव टार्न दुई नयाँ भवनको निर्माण कार्य अघि बढाएका छन् ।
बुधवार एक समारोहका बीच सो भवन निर्माणका लागि ऊर्जा, सिचाइृ तथा खानेपानी मन्त्री शेष नारायण यादवले शिलान्यास गरेका छन् । मधेश भवन भित्रै हाल मन्त्रालय रहेको छेउमै खाली रहेको जग्गामा सो दुईवटै भवन निर्माण गर्न लागिएको हो ।
ती भवन निर्माणको ठेक्का धनुषाकै क्षिरेश्वरनाथ नगरपालिका स्थित सामर्थ बिल्डर्सले पाएका छन् । चालु आर्थिक वर्षको मंसिर १५ गतेसम्म निर्माण सम्पन्न गर्ने निर्माण शुरु गरिएको गैर आवासीय भवनको निर्माण लागत एक करोड ४० लाख, ६९ हजार र निर्माण प्रयोगशाला भवनका लागि एक करोड ३८ लाख ८८ हजार रुपैया रकम छुटयाइएको छ ।
मधेश भवन भित्र रहेका पहिलाकै सिमित भवनमा मन्त्रालय संचालन हुँदै आएकाले प्रशासनिक कार्य संचालनमा निकै समस्या हुँदै आएको र निर्माण सामाग्री राख्न तथा अन्य प्राविधिक चेकजाँचका लागि उचित भवन नहुँदा निकै कठिनाई हुँदै आइरहेकोमा गैर आवासीय भवन र निर्माण सामाग्री प्रयोगशाला भवनको निर्माण गर्न लागिएको मन्त्री यादवले बताएका छन् ।
सो शिलान्यास कार्यक्रममा मन्त्रालयका निमित सचिव रामकुमार खंग, महाशाखा प्रमुखद्वय बरुण कर्ण र सुमन झा, प्रशासन प्रमुख रविन्द्र यादव, ईन्जनियरद्वय सम्झना लामिछाने र प्रभाकर महतो सहित मन्त्रालयका कर्मचारी तथा सचिवलायका कर्मचारीहरुको सहभागिता रहेको थियो ।
यो विषयमा आफ्नो प्रतिक्रिया दिनुहोस् !