जनकपुरधाम, असार १२ गते । प्रदेश सरकारका मुख्यमन्त्रीदेखि मन्त्रीसहितका भिआईपीहरुलाई सुरक्षा दिदैं मधेश प्रदेश प्रहरी गणको शुद्ध खानेपानीका लागि प्रदेश सरकारका ऊर्जा, सिचाई तथा खानेपानी मन्त्रालयले डिप ट्युबेल जडान निर्माण प्रक्रिया अघि बढाएका छन् ।
आजै महेन्द्रनारायण निधी भवनबाट सरेर मधेश प्रदेश सरकारको प्रशासनिक भवन मधेश भवन परिसर भित्र सरेर आएका मधेश प्रदेश प्रहरी गणलाई शुद्ध खानेपानीको आभाव रहेको आवश्यकता महसूस गरी ऊर्जा, सिचाई तथा खानेपानी मन्त्रालयले खानेपानी डिप ट्यूबेल जडान गर्न लागेका हुन ।
याे संगै मन्त्रीले प्रहरी गणले प्रयाेग गर्ने शाैचालय, उनीहरू बसेेकाे काेठा र किचेनकाे समेत निरिक्षण गरेका छन् । मन्त्री यादवले निरिक्षण पश्चात् आजैदेखि डिप ट्युबेल जडानकाे काम अघि बढाउन संगै रहेका मन्त्रालयका कर्मचारीहरूलाई निर्देशन दिए ।
मधेश भवन भित्र सरेर आएका मधेश प्रदेश प्रहरी गणलाई शुद्ध खानेपानीको आभाव रहेको जानकारी पाए लगतै ऊर्जा, सिचाई तथा खानेपानी मन्त्री शेषनारायण यादवले मन्त्रालयका सचिव रामकुमार खंग र महाशाखाका कर्मचारीहरुसहितको टोली लिएर आफै अवस्था बुझ्न प्रहरी गण रहेको स्थलमा पुगेका थिए ।
मन्त्री यादवले भने हामी मन्त्री र आम जनतालाई ज्यानको परवाह नगरी अहरोत्र सुरक्षा दिने प्रहरीलाई हाम्रै मधेश भवन भित्र शुद्ध खानेपानीको आभाव रहेको जानकारी पाए लगतै आफै मन्त्रालयका टोली लिएर गण बस्ने क्याम्पमा पुगी आजैदेखि डिप ट्यूबेल जडान प्रक्रिया अघि बढाएका छौं ।
यो ट्यूबेल जडान सके लगतै उनीहरुका लागि वर्तमान शौचालय मरम्मत सम्भार वा नयाँ शौचालय निर्माण प्रक्रिया अघि बढाउने जानकारी समेत मन्त्री यादवले दिएका छन् ।
आफूहरु निधी भवनबाट सरेर आएपछि यहाँ खानेपानीको चरम आभाव देखेपछि ऊर्जा, सिचाई तथा खानेपानी मन्त्री शेषनारायण यादवज्यूलाई जानकारी गराएपछि उहाँ आफै यहाँ आएर अवस्था बुझेर तत्काल खानेपानी डिप ट्यूबेल जडानका लागि कर्मचारीलाई निर्देशन दिनु भएको छ । आज बेलुकासम्म नभए भोली बिहानैदेखि जडान कार्य शुरु हुने गणका प्रहरी निरिक्षक बेचन यादवले बताए ।
उनले भने शौचालयका लागि मन्त्रीज्यूले यसै आर्थिक वर्षमा काम गराई दिने भन्नु भएको छ । हामी बस्ने कोठाहरु समेत टुटफुट भएको कारण मरम्मत सम्भारका लागि मन्त्रिपरिषदको बैठकमा पहल गरिदिने आश्वासन समेत मन्त्रीज्यूले दिनु भएको छ ।
उनका अनुसार मधेश प्रहरी गणमा ५ सय २५ प्रहरी रहेकोमा मधेश भवन भित्र निधी भवनबाट करीब ३ सय प्रहरी सरेर आएका छन् । बांकी प्रहरी बारा र सर्लाहीको नवलपुर बेसक्याम्पमा बस्दै आएका छन् । मधेश प्रदेशका मुख्यमन्त्रीदेखि अन्य मन्त्रीहरु लगायतका भिआईपी व्यक्तिहरुलाई मधेश प्रदेश प्रहरी गणले पीएसओको रुपमा सुरक्षा सेवा दिदैं आएका छन् ।
प्रदेशका मन्त्रीसहितका भिआईपीहरुलाई सुरक्षा दिनुका साथै घटना दुर्घटनामा थप प्रहरी परिचालनको आवश्यकता परेको खण्डमा सो गणबाटै प्रहरी परिचालन गरिदै आएको छ ।
यो विषयमा आफ्नो प्रतिक्रिया दिनुहोस् !